博多拉麵別天神 (已結業)

突然間想食拉麵可以去呢一間拉麵店，喺中環擺花街，而且佢仲有好多分店添！今日同朋友一齊兩個人又諗唔到食乜，揀拉麵就係一個好選擇。店外面都好多人排隊，大概有10人，等左20分鐘之後終於可以入席，只見店內面嘅位置唔算太多，只可以供10多人進食。豚骨湯麵套餐同一碗蝦味噌豚骨湯麵兩碗都好吸引呀，同朋友互相飲咗對方嘅湯一啖，明顯覺得值回票價，面底又夠晒多，唔使加底都夠食！叉燒仲大大塊，正呀夠晒厚。套餐可以加個小食，日式餃子半打半打咁煎起，煎得非常香脆，帶點燒焦的外皮，總共有六舊，皮薄餡靚，全部包得很工整。店裏面嘅裝修最令我覺得窩心親切，一路食慢慢可以細味一下，同朋友好開心就到過咗一個愉快晚上。