Fish & Chick Plus (已結業)

最近觀塘開咗呢一間專係食fish & chips 嘅餐廳。地點非常方便，其實今次已經係第二次食。地點鄰近觀塘地鐵站，係APM商場乘搭電梯落地面，步行約一分鐘，就可以去到果座商業大廈。雖然餐廳面積唔大，但係容納一至兩架輪椅都仲可以。環境同埋裝修算係唔錯。上一次食咗fish & chips，覺得味道唔錯，今次再試過第二樣。跟餐要左南瓜湯同埋蘑菇湯。 我相信味道算係唔錯，但係我自己唔係咁鍾意至於主菜要咗以下兩樣： 香煎本地鱸魚薯蓉配自家製香草醬。因為我實在太肚餓，唔記得影相就食，所以唔係太完整。鱸魚煎到皮脆肉嫰，但係落鹽可能重手左少少，稍為咸咗啲。至於薯蓉都好香滑，有淡淡奶香，薯蓉中間都撈左啲紫洋蔥，令到個薯蓉更加香。但係對於男仔嚟講，份量就少咗啲。另外女朋友叫咗個.... 自家製雞肉卷配薯蓉。薯蓉就一樣既。至於個雞肉卷，裏面包住左撈左Parsley既 雞肉碎。如果你唔鍾意parsley 嗰陣味，就唔好叫呢個。雞肉唔「鞋」，如果可以做到雞皮脆既話，就一百分啦。