戀上台式料理 (已結業)

今日有個frd帶我去將軍澳個頭搵好野食。我都好耐冇行個頭了，剩係知有好多新私樓，仲要係好貴.....間野近海旁個邊，成度個view都幾好，有得揀坐室內定室外...天氣凍，梗係入面喇🥶坐低之後，店員通知係用QR落單，幾方便啊。Menu入面，大致上都係平時既台灣菜：三杯雞，牛肉麵，珍珠奶茶等等...我同朋友就叫左個香煎雞扒飯、香煎豬扒飯、一碟魯肉時菜，黑松露花枝丸、凍朱古力、凍華田...雖然都係平時既台灣菜菜式，但味道係不錯，又夠份量。雞扒豬扒層皮煎到幾香口，花枝丸彈牙，菜就正常...成餐夾埋$32x左右，幾抵食