淼ひよう壽司日本料理 (已結業)

今日係星期日，午餐時段，我哋兩公婆就去咗呢度食lunch，第一次嚟幫襯，坐低嘅時候見到個姨姨侍應已經覺得佢唔係好係呢個年代（全間鋪就係得佢一個樓面），佢放低餐牌之後就不停介紹我哋食啲幾百蚊嘅魚生刺身同埋牛肉，令我感覺唔係幾好，睇完餐牌我哋嗌左兩客午餐加多左兩客壽司🍣，大部份壽司上面嘅刺身質素不過不失，跟套餐嘅茶碗蒸同埋沙律味道都OK嘅，其實整體食物同價錢都算係正比。
真係擺筆在呢個姨姨侍應，我聽到隔離枱問佢魚生丼有啲咩，佢答個客人都係師傅執嘅咋，跟住另一台客人order一杯酒，佢話無，要就要開一支，我哋聽到O曬咀
最後埋單佢話卡機壞咗，要收現金，找$30幾蚊，佢找張$20，2個$5，1個$1，令我感覺博比tips,講真，我已經好耐冇見過呢啲找錢比散子嘅方式
總結一句，呢個姨姨侍應令到我全餐用餐體驗都好唔好

3

午餐：極上海鮮丼

$110