龍華酒店 (下禾輋)

營業中

休息中

今次特登去龍華酒店食飯，尋找小時候嘅回憶。🌷佢哋嘅環境依然係好靚，雖然明顯比以前殘舊咗好多，同埋冇咗歌手喺度唱歌。🥹去到龍華梗係要返佢哋嘅乳鴿啦，乳鴿其實都冇以前細個咁好食，但都唔錯。咬落去都好香而且乳鴿油係個口度徘徊，真係食到唔想停。😋叫咗佢哋個避風塘炒蜆，炒蜆唔係好新鮮，食到四五隻味道都有少少怪怪地，食咗一半就冇食。😕但今次最失望嘅居然係佢哋個招牌之一豆腐花，個豆腐花真係好難食，以前佢哋係自己整，而家喺百福豆腐花…真係生意難做。☹️以前呢度都幾爆場，而家的確少咗好多人。好彩而家啲人少，可以喺度影吓相打下卡，心情即刻好返晒。