影片
更多
2006-09-19
7 瀏覽
人生中日菜初體驗,要時光倒流十多年前,由麗聲地盤後面的元碌,一律$10碟的迴轉開始,直到回歸前的油麻地三井,仲有旺角兆萬樓上的青葉.還記得吃夠$100,三文魚刺身任食這個優惠.亦記得港英政府下的最後一年生日,就係同班中學年代老友,在此渡過..闊別十年,因為貴網在新店來個大型聚會,所以有機會再續前緣.年來對港式日本料理,往往避得就避.更遑論放題?就算名牌如"鹿悅",周日的放題一樣唔得.只係大久保一役, 是明知山有虎,偏向虎山行的一次.五十多人一同另僻一角吃放題,眾新舊食家對照,場面非常熱鬧.如果佈局能夠做到每張都係十人檯的話,感覺會親近得多.場地關係,只能做到四人檯為主,有點點美中不足.難得與爐兄同Dickson同檯,三個蝗虫拍埋一起,災情應該會幾轟烈.一到八點,即刻拿起"點心"紙去剔,剔,剔.好似在投注站劃馬飛一樣.求求其其,已經剔左好幾味.刺身,壽司,炸物等等作頭陣.港式放題的刺身,一向信心不大,但龍頭Ray兄強調此店的刺身流量極大,所以會好新鮮.聽佢咁講,信心度上升不少.又講到這處的炸爐,每個價值五千,聽罷我同星爺不約而同稻菊果個十幾萬....)兩者當然無得比,不過都覺得此店在這些
闊別十年,因為貴網在新店來個大型聚會,所以有機會再續前緣.年來對港式日本料理,往往避得就避.更遑論放題?就算名牌如"鹿悅",周日的放題一樣唔得.只係大久保一役, 是明知山有虎,偏向虎山行的一次.
五十多人一同另僻一角吃放題,眾新舊食家對照,場面非常熱鬧.如果佈局能夠做到每張都係十人檯的話,感覺會親近得多.場地關係,只能做到四人檯為主,有點點美中不足.
難得與爐兄同Dickson同檯,三個蝗虫拍埋一起,災情應該會幾轟烈.一到八點,即刻拿起"點心"紙去剔,剔,剔.好似在投注站劃馬飛一樣.求求其其,已經剔左好幾味.刺身,壽司,炸物等等作頭陣.
港式放題的刺身,一向信心不大,但龍頭Ray兄強調此店的刺身流量極大,所以會好新鮮.聽佢咁講,信心度上升不少.又講到這處的炸爐,每個價值五千,聽罷我同星爺不約而同稻菊果個十幾萬....)兩者當然無得比,不過都覺得此店在這些細微細眼,也能做得"不惜工本".照睇應該不大差吧.
上菜很有效率,不消一會,眾刺身,壽司井然有序地上桌,放題中的刺身,壽司,不出數款基本組合.驚喜欠奉,吃的只能著眼新鮮與否.壽司飯仍是老毛班,一夾即散.刺身的新鮮度反而喜出望外,魶魚,甜蝦,赤貝等等,很新鮮,尤其個象拔蚌,小弟與爐兄異口同聲讚好.新鮮爽脆.藍鳥兒覺得麻麻的帆立貝麻麻,也不差.
三文魚刺身,當然係主打,小弟因專兄一記舉筷南瓜,乾吧.)因此破戒.平心而論,三文魚算肥美,還很重油脂.回頭再與Dickson等人,繼續埋頭苦幹.後面台的Cicely,見罷我們的速度,有點驚訝.我我們當自己跑緊短途.)的確,我們的狂風掃落葉.與後面的P.J,住家猛男等紳士熟女相比.又真係幾誇張.
眾炸物如Tempura做得不錯,皮薄香脆,油份不多幾乾爽.已經合格有餘,反觀其他如春卷,用豆茸壓出來的皮,雖然成網狀,不過一樣油佈滿面.多樣炸物轟炸之後,大叫唔好再叫喇,吃刺身算吧.)住家猛男面前的刺身船,見其停晒手,再無添食的意圖,老實不客氣地打劫回來.
其他熱食如串燒,金菇牛肉卷無甚興趣,牛油炒雜菌做得入味.有隻燒紅魚,外型似銀鱈魚,入口,無論口感同略咸的味道.有點似葡國咸魚馬介休.長傳急攻之下,一小碗蕎麥冷麵,已經差不多去到尾聲,樹一聲吃光.感覺挺爽.
幾個大男人,圍埋一起由精工寶路華,講到現今的英超,活生生一本麻甩佬足球歷程成長血淚史.一眾名球評家黃興桂金句,惹得隔離的阿芝,藍鳥兒開懷大笑.希望我輩偶爾的俗語,唔好嚇親兩位靚女吧.
麵包兄繼續發揮其出色的公關手腕.全夜滿場飛,唔多見佢有野落肚.有勞.
每一次大局,永遠吃得開懷,食物反而為次要,之前有人報名後退出,原因係同伴覺得難食.事實上,一點唔難食,仲係食得果隻.有點戥此君走寶,因此錯失一個熱鬧既精采之一夜.
下次睇野,嘗試用多角度去探,包你睇多一點,知多一點.港式放題,並非全部朽木.是夜無論肚皮,味蕾,荷包付出,可話係超額完成.再一次多謝龍頭Ray兄.
又要用Master Card的Slogan:此刻無價.
PS:因相機忘記插Card,所以有勞借上麵包兄的相片.謝謝
張貼
