新味軒 (已結業)

一個午餐，係主宰住你成個下晝心情嘅關鍵，相信唔會太多人say no！但今日，我。。。要。。。爆。。。啦。。。搬咗嚟新蒲崗一年，都未入過呢度食嘢，同行者話：我嚟過兩次，佢哋啲嘢嚟嚟去去都係果幾款，所以都無再去過。。講到咁，即係點先？佢話你想試咪試咯。。點知真係踩晒地雷，睇相啦！呢個係乜嘢？睇得出嗎？睇唔出完全係正常，我亦無食咗幾啖先影，呢個係麻辣豬扒米粉。。。點睇都睇唔出呢個係豬扒米粉吓哇？兩條捲埋嘅豬肉充滿肥膏同骨，有一半係食唔到嘅；米粉先恐佈，大部份黐埋一撮撮，咬落係靱嘅，點解？因為未熟咯。。同行友人叫我浸耐啲，唔好火滾，但呢個唔係浸吓就搞得掂，係要煮先搞得掂呀。。。其實只要係對出品有少少要求，都唔會拎出嚟俾客啦吓哇？睇落好似好唔錯吧？少年你太年輕了！四十幾蚊份量好少，唔緊要，說好的椒鹽呢？無味嘅？問姐姐拎椒鹽，佢俾咗成樽我自己加。神奇嘅事嚟喇...我加到成碟都係椒鹽，都係無味㗎。。點解？呢支到底係乜嘢椒鹽嚟㗎？居然可以係無味？除咗姐姐們服務叫做ok外，sorry呢世都唔會再嚟咯。。。搞到成個下晝都好嬲呀。。