桔梗 (已結業)

係台灣有食過嘅桔梗。估唔到而家仲登陸到香港添。當然要去試下啦。店鋪嘅位置都算方便，唔太難搵。係朗豪坊附近。遠望已經可以睇到桔梗嘅大招牌。店舖係落地大玻璃設計，空間感十足，而且充滿住濃濃嘅文清氣息，連路過的人都會被吸引著而停下腳步望一望。入到去先知原來有三層咁多。最喜歡地面個層...... 超多影相靚位。我同朋友兩個人點左：一份三明治同一份brunch ，再加兩杯野飲。影下相傾下計，咁就過咗一個好relax 嘅下午。