彩福國宴 (已結業)

而家間唔中都會帶媽咪去酒樓食飯，今晚都唔例外，入到去地方都幾大，而且裝修華麗，感覺幾乾淨。🥢虎皮椒腰果牛柳粒 $118牛柳粒分量都幾多，牛柳肉汁豐富，而且虎皮椒同腰果都係我鐘意食既。🥢瑤柱蛋白炒飯 $88平時食開既瑤柱蛋白炒飯，蔬菜都係加入菜心頭粒，而呢度就用上豆角，口感比較脆一點，不過不失。🥄香芋西米焗布甸 $16暖笠笠，唔會太甜，滿是芋蓉餡，老人家都岩食。🥢北菇紅燒豆腐 $77豆腐口感軟嫩但有韌性，連埋個汁食實在太惹味，必叫之選丫。🥢黑糖蒸紅棗糕6件 $30黑糖可以健脾暖胃，紅棗就補血調經，呢個糕最岩女士們食。