自家烏冬 (已結業)

尋晚同大烈去食呢間烏冬，之前睇雜誌介紹，好似好好食，一於去試吓。大小烈都很喜歡食烏冬，尤其是食火鍋時，食烏冬加辣椒豉油，鹹鹹哋間直一絕。當晚六點九到現場，攞飛186叫到了168，都唔算多，唯有等，行吓商塲去吓廁所，舖前有大玻璃窗見到入面廚房造烏冬。時間好快過，商塲廁所係電子門，塲內有蘭芳園（出名絲物奶茶同蔥油撈丁）同岡田咖啡（類似UCC）。等到七點半有位，烏冬分幾款，有凍食，湯食，掛烏冬（撈醬汁），鍋食。本來想試鹿兒島黑豕肉烏冬，但係冇鍋，最後叫了兩碗湯烏冬，牛肉湯烏冬（$30），海鮮烏冬（$42），小食叫左雜錦天婦羅（$25）。好快上菜，果然烏冬係好彈牙，幾好味，天婦羅正常，海鮮同牛肉都ok。食完見隔離枱叫凍食，咖哩牛肉烏冬，海鮮沙律烏冬，好似都幾正。跟住再加單，叫左個淨掛烏冬暖食（$15）都幾底。埋單一百幾蚊，都OK，可以再試，如果有辣椒豉油提供就最好。