沙田強記雞粥 (已結業)

沙田強記雞粥原來有兩三間，之後先知原來呢間已經轉左手 (見附圖，招牌都唔同左色，所以之前話都係唔update架喇，小心)，唔怪得招呼客人既態度同之前其他人講既唔同哂。Fine! 就算當幫趁新店，都唔係咁對客掛？詳情唔講喇，大家大家真係要試下去，一定要試下！講番野食，我地一家人點左：雞粥 (一定要試啦，講到咁好！？)，介蘭，椒鹽九肚魚，煎蠔餅，乳鴿。個雞粥開頭兩啖以為好野，粥好有雞味，好大窩，一人食左幾碗...之後就口渴都死，相信都係味精既問題，自己去試一次就知講乜。介蘭不用提。椒鹽九肚魚可以食。煎蠔餅炸到好油，係好香好脆，係超大份，但好似係粉黎播，都唔及老廟三成！乳鴿普通，炸到乾哂。當我埋單時，亞爸亞媽亞妹用埋怨既眼神掘住我，今次真係去錯左第二間，Oh! No. 攞番架車，又俾d污漕水彈到成條呔都係油，激死我。