1162
47
137
等級1
3
0
2023-05-14 167 瀏覽
兆萬食放題,就間間環境格局差不多…都係咁迫,都預咗嘅,我哋呢啲唔係食環境,所以比較期待食物質素多。長文慎入要開始講喇:無論係3小時$179,定係6小時$269,你都唔會食到呢個價錢。今日雖然母親節假日,話假日+$20,但我入座佢就話係要收$339…任何一個價格上+$20點都唔會係$339掛?擺明劏客咁…fine,因為真係好大雨,唔想再搵就照食,因為都仲期待佢食物同價錢會成正比。咁問佢我經Openrice訂話中午時段就算公眾假期都有95折?又話冇!即係所講嘅優惠乜都冇~到落單,第一round用紙落,因為有啲之後手機落係冇嘅…結果!好基本嘅帶子刺身都話冇!(2點都未夠喎老細?咁仲洗做晚市?)然後另外有一張又係只可點一次嘅,我哋揀左海膽(或生蠔二選一)、同埋雞泡魚乾(或雪糕、清酒三選一)海膽係黎咗但細過我隻手指公,雞泡魚乾呢?雞泡魚乾呢?原來要三催四請先會有嘅?!仲要以為自己食緊豬肉乾添…頂!真心嬲!即係你唔問咪又詐詐諦唔俾你囉~呢啲如果之後仲要食係要收費嘅,咁如果你咁唔想蝕,你就唔好懶大方咁俾人免費揀第一round有得點!把幾火!食放題喎?要乜冇乜呀,一樣半樣都算,但宜家唔係囉!日本芝士年
更多
兆萬食放題,就間間環境格局差不多…都係咁迫,都預咗嘅,我哋呢啲唔係食環境,所以比較期待食物質素多。
長文慎入

要開始講喇:
無論係3小時$179,定係6小時$269,你都唔會食到呢個價錢。今日雖然母親節假日,話假日+$20,但我入座佢就話係要收$339…任何一個價格上+$20點都唔會係$339掛?擺明劏客咁…fine,因為真係好大雨,唔想再搵就照食,因為都仲期待佢食物同價錢會成正比。咁問佢我經Openrice訂話中午時段就算公眾假期都有95折?又話冇!即係所講嘅優惠乜都冇~


到落單,第一round用紙落,因為有啲之後手機落係冇嘅…結果!
好基本嘅帶子刺身都話冇!(2點都未夠喎老細?咁仲洗做晚市?)然後另外有一張又係只可點一次嘅,我哋揀左海膽(或生蠔二選一)、同埋雞泡魚乾(或雪糕、清酒三選一)
海膽係黎咗但細過我隻手指公,雞泡魚乾呢?雞泡魚乾呢?原來要三催四請先會有嘅?!仲要以為自己食緊豬肉乾添…頂!真心嬲!即係你唔問咪又詐詐諦唔俾你囉~呢啲如果之後仲要食係要收費嘅,咁如果你咁唔想蝕,你就唔好懶大方咁俾人免費揀第一round有得點!把幾火!

放題喎?要乜冇乜呀,一樣半樣都算,但宜家唔係囉!日本芝士年糕,冇!叫咩放題啫?咁打開門做生意嘅?!刺身得甜蝦係ok嘅;除咗炸嘢外,其他熟食都唔係熱嘅;燒蝦啲肉係霉嘅…
雖然話係6小時任食,但你乜叉食物都冇,你俾夠12個鐘我又有乜用?作為一間食店,連最基本提供合理食物種類、質素都做唔好,呢啲就只會令人嚟完一次就絕對!唔會!再嚟!


講真,呢個價錢喺邊度食唔到?我好鍾意食放題又試過好多間,如果你唔夠多種類,就做好質素;如果你質素夠就算少啲款都唔會俾人彈…真心,兩者都做好就算收699我都心甘情願俾!因為如果我單單貪平嘅,一知呢個價我就即走啦係咪先…呢間係第一間令到我食到一肚火…
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
  • 唯一的甜蝦,再沒有其他