.
老干媽醬炒銀針粉 $52
用炸到金黃色既脆皮整晒盆裝住銀針粉 仲落佐芝麻等可以香口啲 貌相已經加晒分👍🏻 而且好少可會用銀針粉去炒 都幾特別～ 炒得好均勻 食落有少少辣但唔會好膩好開胃 而且仲好有鑊氣😚
.
麻辣燒賣皇 $40
😍😍😍😍強推！！我地encore佐兩碟～ 鐘意麻辣既一定要嗌👍🏻 個樣好似同平時燒賣無乜分別 但一咬落去好香濃既麻辣花椒味就湧出黎～ 估唔到原來會咁match😍 而且燒賣勁足料 一咬已經唔知有幾多隻蝦係個口度👍🏻 正🧡
.
黑白芝麻蝦多士 $44
又係蝦😚😚😚 多士炸到金黃色～ 店員同我地介紹話佢地要求蝦肉係要放滿兩隻手指😍 真係無花無假 每咬一啖都有蝦香 除佐食到香脆既多士仲夾雜住黑白芝麻既香味～ 點埋沙律醬真係好邪惡🙆🏼♀️
.
總結，平時其實對飲茶喜好唔大，但依間真係令我地好喜出望外😍 除佐款式特別，用料仲好認真同足料～ 每籠都係即叫即整好新鮮，好有誠意而且性價比超高👍🏻 環境又坐得舒服～ 強推🙆🏼♀️
