抹茶館 (已結業)

抹茶館間中會推出限時餐牌，算係有啲新鮮感。 抹茶牛奶：單點$34，因為嗌咗定食，所以減$10。本來就唔認為抹茶館主菜好味，所以基本上我只係為咗佢嘅抹茶牛奶同抹茶甜品先至會嚟食。 牛奶嘅滑加上抹茶甘香，值得一試。 吉烈蝦：都係同一般食肆差唔多，蝦嘅大小同平時壽司上邊隻甜蝦差唔多，主要都係炸粉形成，質地偏淋，冇咩口感。但其實甚少食到真係爽口彈牙嘅炸吉列蝦，所以還可以接受。 ｰｰｰｰｰ 吉列蠔：本身唔係特別鍾意食河蠔，但佢真係炸得好脆口，而且唔油膩。 ｰｰｰｰｰ 蕨餅：軟淋淋，好軟，好軟，真係好軟~~~ 成個定食最好食就係呢兩小塊蕨餅~ 將其中一款小食加$15蚊變做三文魚刺身：雖然我明白圖片只供參考，但係個實物都幾強差人意。切得真係非常薄刺，然後似乎師傅根本唔識點樣處理刺身，冇根據脂肪嘅紋理去切，望落一啲都唔肥美，毫不吸引。三文魚味道可以，但要加錢轉就完全唔值。 ｰｰｰｰｰ 吉列三文魚：薄過一張紙，淨係食到層粉。 我唔推薦呢款定食，如果想食蕨餅可以選擇單點。 辣牛肉溫泉蛋飯：個人認為只係少少微辣，風味不足。牛肉算香，溫泉蛋質感剛好，整體可以。ｰｰｰｰｰｰｰｰｰｰｰｰｰｰｰｰ總括嚟講，我唔會