廣東茶居 (已結業)

今晚在尖沙咀廣東茶居，兩個人點了幾個簡單小菜。湯點了經理推薦的木瓜蕃茄石班龍躉湯，湯底充滿了木瓜及蕃茄味、都幾甜，雖然已經有薑去煲、可惜有點魚鯹味！沙律汁蝦球，用了雪蝦入饌，入口蝦肉完全冇味道，最差就係個炸蝦皮、又粉又冇味、好難食！北菇滑雞煲仔飯，等了約25分鐘。上枱時熱騰騰、用鮮雞、冬茹及䓤入饌，香味氣撲鼻。飯煮得有小小燋香味、雞夠滑有鮮味、入口唔太油膩，自己覺得最好食係條葱、有點葱菁及香味、加上小小甜豉油、正。紅燒豆腐、不過不失、豆腐豆味濃郁、滑溜。當晚人唔多、大部分是強國人！服務都可以接受。