3
餐店只接受網上訂座，食客必先提供信用卡資料作留位之用。餐單雖然冇得揀，但訂座時可列出所有食物敏感項目，廚師會於用餐當日因應而作出調整 
。
2
「Liberty Private Works」位於中環士丹利街一幢高樓內，只有一部升降機能直達餐廳，但大廈大堂及升降機內均無指示牌，小肥及友人都要撞過板，再向保安叔叔查問先知 
，真係好private囉！
3
步進樓底極高o既餐室，即可望到店中央o既開放式廚房被紅色o既高櫈圍繞住，通爽開揚。
3
3
置身於26樓，除咗可欣賞到窗外少少o既夜景之外，窗邊亦擺放有蠟燭，氣氛輕鬆，情調洋溢 
。
3
高櫈睇就幾好睇，不過好吊腳，唔多舒服，而且難上難落 
，好在細心友善o既帶位姐姐自動上前幫忙扶實，大家先冇咁狼狽。唔知係誠意問題，定係服務態度馬虎呢，餐桌上o既餐單屬早一個晚上，當XO仔好奇並有禮地向面前位廚師哥哥問及是否印刷或擺放有誤時，佢居然好不耐煩地話其實兩日o既菜單係一模一樣，只係日期唔同，唔洗咁執著 
。講真，小肥並無惡意，只係單純地以為餐單上印有日子即代表菜式每天不同，故向其發問；既然係冇分別，又何必印上日期呢，將簡單事情複雜化，唔係好環保囉 
！
2
整個晚上，服務生每呈上一道菜，首席廚師Vicky哥哥都會先為客人詳細講解食材及烹調方法。面對住我地坐滿餐室半邊o既十一位大食會成員，聲線不大o既總廚選擇咗喺中間位置以廣東話背誦台詞，坐喺最側傍位置o既小肥只能夠聽到背景音樂及Vicky哥哥喃喃自語 ！細佬聽力有限，要求大廚重複講述，佢卻一邊重述，一邊黑起面來，當真相方都很不是味兒 
，為何不簡單地將所有資料印在餐牌上作吧？！
餐店棄選傳統o既麵包籃，而改送Grissini Breadsticks with Homemade Dip。
3
杯中短短o既麵包條好脆口，但自家製o既海鮮醬味道頗腥，以鐡罐承載唔得高雅，女士們都食到打哂冷震 
！
3
3
食完breadsticks，經過數次追單，小肥杯唔係好夠凍o既香檳終於見影，未飲都已經成肚氣 ！
3
與一眾大食會會員碰杯後餐牌上列出o既食物亦陸續上枱。首輪小食共三款，當中兩款用棒上，分別為雞皮鵪鶉蛋（Quail Egg w/ Chicken Skin）及摩洛哥羊（Moroccan Lamb），唔食羊o既食客則換上波特菇棒（Portobello Mushroom）。鵪鶉蛋棒面有塊香脆o既烘雞皮，煙燻過o既鵪鶉蛋經醋同蘋果汁醃製，食落一啲都唔溜，好有驚喜。相反地，黑墨墨o既羊棒不但外表唔吸引，其少辣o既調味令羶味更為濃烈 
，個人勁唔like！
3
用熱石上o既小食為西班牙火腿芝士球（Cheese Ball w/ Iberico Ham），由於聽得唔清楚，XO仔唯有半估計芝士球為石燒煮製而成。芝士球皮脆流心，連同薄薄o既火腿片一齊食，火腿o既咸香同芝士一同溶化於口中 
，感覺就好似係一份Grilled Ham and Cheese Sandwich經分子料理濃縮咗o既轉體版咁。
2
吃過小食，服務生即為客人呈上一枝試管水液及白色餅體。
3
原來試管內透明o既液體為玫瑰水，食客只需把玫瑰露倒哂入餅體，白色o既乾紙巾餅就會變成玫瑰味濕巾 
，水o既份量剛剛好，絕對唔會滿瀉，濕巾又玩得又抹得，非常新奇有趣！
3
美觀o既食物迅即上場，Vicky哥哥忽然轉台，以英語講解餐牌上列出o既食材是如何煮出桌上精美o既菜式，幸好座上客o既英文水評有番咁上下，大家仍能理解。
第一道用碟上o既「Tuna, Sea Urchin, Espelette, Rice」係冷盤，共分開三部分，廚師建議由左邊食起。
3
左手邊紫色o既提子粒非常冰凍，XO仔牙齒牙肉都好敏感，第一口已感寒刺骨 。碟中央乃主角海膽吞拿魚壽司o既解體重組版，鮮甜嫩滑o既海膽下為少辣o既吞拿魚他他，師傅用微酸o既紅、青蘋果片綑邊砌出花狀，四周再以輕巧o既脆米包圍，味道醒神又醒胃，實屬細膩誘人之佳作 ！可惜右手邊粒龍眼同左手邊粒提子一樣冰硬，兩粒生果似乎有少少劃蛇添足囉。
3
接住落黎o既「Langoustine, Mangosteen, Salsify」同樣係冷盤，廚師先用小龍蝦頭熬煮醬汁，再用小龍蝦刺身、山竹、波羅門參及脆米片砌番個蝦形，整個構思盡顯大廚精湛o既藝術天份 
！半爽滑o既小龍蝦刺身帶陣花香，秘熬o既蝦汁唔會過濃或過杰，夾上脆米片食更覺香口，冇得彈呀！
2
3
熱食方面，第一味係法國餐必定會有o既魚 
「Walu, Hearts of Palm, Celery, Apple」。餐廳選用天然肥美o既夏威夷walu魚，簡單以蘋果、芹菜及鹽烹煮。個人覺得魚塊外表香脆，外側o既魚肉偏嚡，而且味道欠奉，越食越溜滯，加上紅蘋果片超咸，芹菜汁個味道好重青草味，怪得黎極唔啱小肥口味 ！
3
第二道熱食「Egg, Truffle, Parmesan, Caviar」乃鎮店之寶，係餐牌上唯一唔會消失o既菜式。
3
菜餚主角係奶白色o既芝士忌廉湯汁中o既一件松露ravioli。飽滿o既意大利雲吞原來內有乾坤，餡中有隻流心蛋黃，廚師建議食客先爆開雲吞，夾埋面層o既魚子醬、芝士及忌廉一齊食。意大利雲吞皮薄軟熟，中間o既松露流心蛋黃餡香滑幼嫩，連同頂面o既魚子醬食味道更為香濃，美中不足o既係跟和暖o既芝士忌廉湯底食效果較為溜，連續食兩道滯口菜未必個個頂得順。
2
第三道「Chicken, Foie Gras, Porcini, Crones」終於有肉食。食材中o既雞肉來自新界，鵝肝來自法國，師傅將兩者合併煮成卷物，再以燒意大利牛肝菌菇伴碟。雞卷以去肥o既雞皮作外層，輕薄香脆，肉餡幼滑香嫩，點上碟上o既燒汁食分外甜美，小肥唯一略嫌餸菜唔夠熱。
3
最後一道熱食為鹿肉「Venison, Gingerbread, Cherry, Pumpkin」。碟上橙色o既圈圈全為甜甜o既南瓜蓉，粉末則為粗嚡o既薑餅碎，車厘子粒頂部由蕎麥麵條造成，主角鹿肉軟嫩香濃，整碟餸最唔好味就係又韌又苦o既綠色菜葉。
4
甜品同熱食一樣共四款，以首道「Banana, Chamomile, Coffee, Peach」最為震撼，因上枱時煙霧四散 ，每位客人碟上o既圖案不一。
3
3
Auntie M仲留意到甜品叉下o既餐具座呈骨形，從其大小估計應為牛骨所造。
3
碟中白色球體為鍊奶糯米茲，煙韌微甜。對角o既咖啡慕絲輕巧軟滑，但就唔多夠味。中間o既樵糖香蕉皮層香脆，入口甜美。其餘碟上o既白色粉末及黃色餅碎則較為粗嚡乾確。
4
用木板上o既「Sea Salt, Caramel, Chocolate, Chili」板面推滿以辣椒及海鹽調味o既朱古力泥，少辣少咸都幾得意，不過就咁食口感偏嚡同乾，要連同泥面兩球以樵糖醬點綴o既雲尼拿雪糕食，效果先會變得濕滑啲，同埋似番個甜品。
4
餐牌上最後一味為「Warm Madeleine」，用餐巾包住唔知係咪用作保溫呢？貝殼形蛋糕仔有幾件烘燶咗，而且質感偏乾，比起之前嗰兩味甜品顯然失色 ！
4
正當大家都以為晚餐已終結時，師傅仔又再一次派上一枝試管水液及白色餅體。好自然地各人都誤以為又係之前o既濕紙巾把戲，但原來白色嗰件係棉花糖，試管內o既係荔枝水。棉花糖超甜，而且好粉，荔枝露飲落好似糖水咁，故此只能稱得上為概念及視覺上o既好結尾 ，味覺上仍差咁一大截！
3
3
首度光臨「Liberty Private Works」，大食會各成員都頗為享受此行廚藝旅程，經歷不少新穎奇妙o既體驗 
。雖然多款菜式中未必樣樣稱心，但大家都睇得出廚師們花盡心思同功夫烹調美食，平均每人需付$1,250都未有太多不滿。
1
「Liberty Private Works」貴為價錢高級o既西餐廳，座位卻不太舒適，亦無展示西餐廳基本禮儀，如女士優先服務等，其實真係有少少驚訝 
！除咗接待處嗰位友善有禮o既妹妹之外，餐廳其他店員及廚師o既服務態度都欠缺耐性，毫無誠意，不願溝通，廚房班底煮出再精湛細膩o既菜餚都實難感動肥肥家族回頭光顧 ！
