鮨心 ，旬節 (已結業)

相約二十年無見嘅朋友食飯，當然想去個舒服嘅環境食下好嘢傾下計啦 ！上網搵到呢間唔係開咗好耐嘅鮨心・旬節，佢係食日本嘅Omakase ，問咗朋友仔佢都OK就BOOK咗呢間啦 ！我哋揀咗『椿』呢個set，有前菜、刺身、熱盤、壽司、湯同甜品。介紹下先～首先就係前菜，我最最最鍾意就係魚仔秋葵，好好味呀 ！另外個魷魚仔都好鮮味呀！之後有刺身三點，拖羅啊～～ 一放入口勁正，油香喺個口到傾瀉啊～～～～讚讚讚 ！熱盤就係燒吞拿魚，一樣好多魚油，但因為我本身有少少怕食熟嘅Tuna同Salmon，所以我都只係食咗少少咋！壽司方面，我對眼只係focus咗去uni度咋！好像發青光一樣，急不及待要食佢落肚呀！海膽超新鮮，又香又甜又creamy，忍唔住大叫好幸福呀！之後就係湯喇，飽滿嘅蜆仲有好香嘅細蔥，如果味道略為淡啲肯定更加鮮甜！本身唔係話非常鍾意食甜品，但係呢個甜品真係令我喜出望外！尤其係雪糕下面啲餅碎混合咗抹茶粉，加埋雪糕一齊食絕對係舌頭嘅享受呀！