16
1
1
等級6
2021-12-31 1740 瀏覽
就快到年尾,近日市面所見,周圍都好多人,唔少人趁月底前用埋啲消費券,否則過期無效,買大型家電啦,買手機啦、買影音產品啦,當然,食餐好嘅,食餐豪嘅,都有唔少人咁揀。趁住聖誕,嚟到歌賦街嘅「淡路」,食番一餐高質素嘅「廚師發辦」(Omakase)迎一迎聖誕。單睇門面,和風嘅感覺唔太強,但踏入玄關,就完全唔同晒。再走入店內,以一貫和風淺木色為主,裝修簡約,配以柔和燈光,襯以淺灰色梳化椅,感覺舒服。一張L形板前席,有9個位,喺食「廚師發辦」嘅指定最佳位置,因為可以睇到師傅切魚生嘅刀功、揑壽司嘅手勢,又可以跟師傅交流。晌呢啲高檔餐廳,除咗環境,餐具及服務都喺值得留意嘅一環。一碟、一杯都好古雅,之後盛菜嘅器皿亦都賞心悅目,店名取自兵庳縣嘅淡路島,師傅一講,原來筷子托就喺淡路島嘅形狀,蠻有心思。而服務方面,好熨貼,就如餐具旁,就放有熱毛巾及印有店名嘅口罩套;此外,師傅例必先問問有無嘢唔食得,或食物敏感嘅指定動作,店員又不時為我哋添茶及收拾餐具,態度有禮。師傅上菜嘅速度,亦喺恰到好處,令人用餐感到悠閒唔急促。 餐牌有介紹店家少少嘅資料,原來主理嘅大廚已有40年經驗,而仲有一位本地師傅,咁我哋就可以交流多
更多
就快到年尾,近日市面所見,周圍都好多人,唔少人趁月底前用埋啲消費券,否則過期無效,買大型家電啦,買手機啦、買影音產品啦,當然,食餐好嘅,食餐豪嘅,都有唔少人咁揀。趁住聖誕,嚟到歌賦街嘅「淡路」,食番一餐高質素嘅「廚師發辦」(Omakase)迎一迎聖誕
11 瀏覽
0 讚好
0 留言
單睇門面,和風嘅感覺唔太強,但踏入玄關,就完全唔同晒。
4 瀏覽
0 讚好
0 留言
再走入店內,以一貫和風淺木色為主,裝修簡約,配以柔和燈光,襯以淺灰色梳化椅,感覺舒服。一張L形板前席,有9個位,喺食「廚師發辦」嘅指定最佳位置,因為可以睇到師傅切魚生嘅刀功、揑壽司嘅手勢,又可以跟師傅交流
5 瀏覽
0 讚好
0 留言
6 瀏覽
0 讚好
0 留言
晌呢啲高檔餐廳,除咗環境,餐具及服務都喺值得留意嘅一環。一碟、一杯都好古雅,之後盛菜嘅器皿亦都賞心悅目,店名取自兵庳縣嘅淡路島,師傅一講,原來筷子托就喺淡路島嘅形狀
,蠻有心思。
1 瀏覽
0 讚好
0 留言
而服務方面,好熨貼,就如餐具旁,就放有熱毛巾及印有店名嘅口罩套
;此外,師傅例必先問問有無嘢唔食得,或食物敏感嘅指定動作,店員又不時為我哋添茶及收拾餐具,態度有禮。師傅上菜嘅速度,亦喺恰到好處,令人用餐感到悠閒唔急促。 
4 瀏覽
0 讚好
0 留言
餐牌有介紹店家少少嘅資料,原來主理嘅大廚已有40年經驗,而仲有一位本地師傅,咁我哋就可以交流多啲。無論午市定晚市,都只有「廚師發辦」供應,晚市就只有一個價位:$2,200。
59 瀏覽
0 讚好
0 留言
而午市就有兩個價位:$980及$1,300,小弟品嚐嘅喺「竹」,非常豐富,包括季節前菜、季節刺身、珍味、蒸 / 煮物、手握壽司、卷物、麵豉湯、季節果物。順帶一提,店家唔收10%服務費,但歡迎按心意俾貼士,以示對師傅、店員嘅讚賞。
64 瀏覽
0 讚好
0 留言
如果鍾意飲兩杯嘅客人,咁就啱晒,店家提供好多唔同產地嘅清酒,當然,為要照顧喺其他客人,仲提供埋啤酒、梅酒及汽水。
69 瀏覽
0 讚好
0 留言
先嚟3款前菜,叫得「季節」,就即喺時令,亦喺食「廚師發辦」嘅賣點。3款前菜分別喺海膽雞蛋豆腐、九州熊本豚肉及吞拿魚魚皮啫喱凍,以精緻嘅器皿一拼送上,而享用亦有次序,就喺由左至右。
季節前菜
10 瀏覽
0 讚好
0 留言
海膽雞蛋豆腐

簡單嘅蒸雞蛋,但嫩滑如豆腐般,而甚具蛋香,最有趣喺加上一瓣海膽之餘,更佐以少少日式芥末,令味道更富層次。
海膽雞蛋豆腐
7 瀏覽
0 讚好
0 留言
九州熊本豚肉

師傅解釋依家天氣凍咗好多,前菜唔想全部都喺凍嘢,所以,加入一道熱菜。啲豚肉煮得好軟腍,加入少少新潟縣寒作里柚子辣椒醬去調和,而底下仲有啲野菌同大蔥,原來喺有名堂,叫做下仁田蔥,嚟自群馬縣。
九州熊本豚肉
4 瀏覽
0 讚好
0 留言
吞拿魚魚皮啫喱凍

呢一道啫喱凍做得相當精緻,外表又晶瑩,入口清涼爽口,裡面除有啲魚皮,更混有博多嘅萬能蔥同一啲辛味噌嚟提味,好有趣。
吞拿魚魚皮啫喱凍
3 瀏覽
0 讚好
0 留言
然後就睇住師傅整季節刺身刺身會提供3款,分別喺針魚、細池魚及帆立貝,真喺睇住Mark師傅一邊切魚,一邊整理啲伴碟裝飾,又問吓呢樣,問吓嗰樣,幾賞心樂事架。
季節刺身
2 瀏覽
0 讚好
0 留言
針魚刺身

啲針魚切到既薄且透,魚身顯出一線銀光,加上花串、牙惹,賣相非常之靚。師傅話針魚本身屬於淡味嘅魚類,所以,特別伴上薑蓉、芥末嚟提味,故此,入口有份小清新嘅感覺,至於針魚嘅口感,則帶點柔韌、爽身,雖然魚味淡,卻好鮮甜。
針魚刺身
4 瀏覽
0 讚好
0 留言
細池魚刺身

細池魚一身嫩紅色,有光澤,表面還輕輕鎅花,伴以昆布、炸茗荷(薑花嘅芽,又長知識了),同樣又喺做得賣相亮麗,此外,除佐以薑蓉、芥末,更另外加上萬能蔥醬油,可以令魚鮮味更突出,的確,比起針魚,細池魚嘅魚味明顯突出。
細池魚刺身
4 瀏覽
0 讚好
0 留言
燒帆立貝刺身

炙燒好帆立貝,再以紫菜包住,直接從師傅手上接過嚟,呢個食法唔陌生,以往晌其他「廚師發辦」都遇過。帆立貝嚟自北海道,非常大隻,又厚肉,香脆嘅紫菜搭上軟綿嘅帆立貝,加上鮮甜無比,嗰份嘅感覺真喺正。
燒帆立貝刺身
3 瀏覽
0 讚好
0 留言
淡路島蠔

餐牌中有一環喺叫「珍味」,小弟都喺第一次聽,大意喺一啲精緻嘅料理。以淡路島出產嘅生蠔入饌,加入土佐醋同柚子醋去煮,雖然隻蠔唔太大,但蠔味濃,嗒到海水嘅鹹鮮味,兩款醋產嘅生化學作用,有一份酸香感,卻唔嗆喉。
淡路島蠔
3 瀏覽
0 讚好
0 留言
薯仔饅頭

再來多一客熱焫焫嘅煮物,咪睇佢好似薯蓉一嚿,師傅介紹時,原來當中有好多食材,外層喺以北海道產嘅男爵薯仔、百合、准山所搓成,所以,入口煙糯,有薯香;餡心喺饅魚加上冬菇所做,味道比較油香。此外,仲以九條蔥、芥末打咗個茨汁,真喺處處都睇到心思。
薯仔饅頭
2 瀏覽
0 讚好
0 留言
薯仔饅頭
2 瀏覽
0 讚好
0 留言
薯仔饅頭
4 瀏覽
0 讚好
0 留言
食到呢刻,師傅晌我前方擺上壽司盤及漬物,就知喺手握壽司時間到。不得不講,除咗例有嘅酸薑片之外,仲有3款唔同顏色嘅醃漬蘿蔔,以及榨菜、淮山漬及紅酒橋頭
,作為每道壽司嘅間場,又有清清味蕾之效,更擺設得好有藝術感。
漬物
3 瀏覽
0 讚好
0 留言
其實,由開始至今,已見到師傅不時切定啲魚生片,放晌一旁嘅砧板之上,為做壽司作好準備,將切好嘅魚生片攤暖備用,更不時以手背去量吓啲魚生嘅溫度,會唔會仲喺好冰凍、適合俾客人食未。仲有個細心位,就喺師傅送上第一件壽司俾客人之後,都會問一問壽司嘅飯飯會唔會過多或過少
,以便之後所做嘅更合客人心水。 
魚生片
4 瀏覽
0 讚好
0 留言
此時,店員仲會奉上另一條濕紙巾,喺用作食壽司抹手用,所以,小弟都扮吓日本人咁,直接用手將壽司放入口。順帶講講,師傅會不時抹番乾淨個壽司盤,令觀感更佳。
4 瀏覽
0 讚好
0 留言
石垣鯛壽司
 
師傅已晌每件壽司中加咗芥末,再晌上面薄薄塗上醬油。石垣鯛色澤亮麗,面頭放咗少少煮過嘅昆布,入口肉質鮮爽,魚味不失禮,飯粒挺實唔鬆散,口感軟綿。 
石垣鯛壽司
5 瀏覽
0 讚好
0 留言
深海池魚壽司

由於第一件壽司嘅飯量剛好,所以,之後嘅都唔需要加多或減少。晶瑩而帶淡粉紅嘅深海池魚望落保持一貫光澤,足見其新鮮度,魚質嫩得嚟帶點點爽口感,魚味鮮甜。  
深海池魚壽司
3 瀏覽
0 讚好
0 留言
左口魚壽司
 
好多時食「廚師發辦」都有呢一款魚嘅蹤影,可以講喺常客。最有心思喺加咗一小件火炙裙邊,增加其油香度,卻又唧少少青檸汁去膩,所以,一啖入口,油香、清爽、鮮味大融和。 
左口魚壽司
6 瀏覽
0 讚好
0 留言
赤陸壽司

赤陸,又叫喉黑,真喺比較少食,小弟都唔肯定有無食過,總之,一樣細心去品嚐。師傅話專登連住少少魚皮,並輕輕炙燒過,魚身散發點點油香,加點以米、瓜、味噌、辣椒製成嘅三星漬,令食味更富層次。 
赤陸壽司
3 瀏覽
0 讚好
0 留言
鰤魚腩壽司

踏入11月,正喺鰤魚當造之時,鰤魚就即喺油甘嘅大人,咪以為大條咗就會肉質嚡,其實佢喺頂級食材,油份更重。今次更喺試其腩位,肉質入口油潤而甘甜,放上少少香脆嘅炸穚頭,令口感更特別。 
鰤魚腩壽司
6 瀏覽
0 讚好
0 留言
喜之次壽司

喜之次又喺另一高級嘅食材,火炙過,變得額外油潤甘香,肉嫩而帶點膠質,魚味頗濃;再加點點柚子胡椒嚟提味,確喺令魚鮮味更突出,有畫龍點睛之效。
喜之次壽司
3 瀏覽
0 讚好
0 留言
中拖羅壽司

師大介紹時,中拖羅嚟自青森縣大間,仲熟成咗幾天,原來啲魚生都可以熟成,真喺長知識。件拖羅色澤艷紅,好新鮮嘅感覺,師傅不時晌啲刺身上鎅幾刀,増加美感。油花分布平均,所以,入口真喺好有油香,肉質柔嫩鮮甜。
中拖羅壽司
6 瀏覽
0 讚好
0 留言
海膽白蝦壽司

海膽喺北海道產,師傅更一整盒海膽拎出嚟介紹,而最誇張嘅喺,壽司飯上放上唔少嘅鮮甜,之後,就幾瓣幾瓣海膽咁鋪上面,亳不吝嗇,真喺「餸」多過飯,入口嗰一陣陣海膽甘腴豐厚嘅鮮甜味,加上綿密細膩,有種甘甜嘅餘韻,可以話無懈可擊。 
海膽與白蝦
4 瀏覽
0 讚好
0 留言
海膽白蝦壽司
6 瀏覽
1 讚好
0 留言
箱押鯖魚壽司

1、2、3……8,餐牌就寫住手握壽司喺8貫,鯖魚壽司喺變咗「私人醒」嘅第9貫,失驚無神有驚喜,呢啲就喺食「廚師發辦」嘅趣味。切好之後,再火灸,師傅又有分享,佢話支火槍喺特吃訂製,出嚟嘅火焰喺唔會有嗰陣煤氣味,讚!此外,再晌面頭鋪上一塊薄到透嘅昆布,包上紫菜,由於鯖魚以醋漬過,飯內又混有黑白芝麻,整體酸香好食。
箱押鯖魚壽司
2 瀏覽
0 讚好
0 留言
箱押鯖魚壽司
5 瀏覽
0 讚好
0 留言
箱押鯖魚壽司
4 瀏覽
0 讚好
0 留言
拖羅蓉卷

去到「廚師發辦」嘅尾聲,梗有一道卷物,好得意,大多數都喺吞拿魚腩呀、拖羅蓉……之類。今回所食嘅喺拖羅蓉卷,睇住師傅做,放入大量拖羅蓉,再混入少少蔥碎、芝麻,雖然無咩驚喜,但一咬紫菜就應聲脆開,而魚蓉綿密鮮味,油香慢慢晌口腔內溢出四散。 
拖羅蓉卷
2 瀏覽
0 讚好
0 留言
麵豉湯

食完多款壽司、卷物,都喺時候飲番碗熱湯暖暖腸胃,簡單一碗麵豉湯 ,麵豉嘅味道香濃,尤其晌呢啲寒冷嘅日子,就更添暖意,飲過更感舒服。
麵豉湯
2 瀏覽
0 讚好
0 留言
季節果物

真喺唔上到枱,都唔知會喺咩生果,卒之揭盅,喺甜度甚高嘅富山杮,杮肉清甜。有時晌啲網購中,更見做成富山杮乾,作為高級嘅禮盒!
富山杮
4 瀏覽
0 讚好
0 留言
四葉草芝士蛋糕布丁燒(節慶加推)

因為時值聖誕,同場加映額外奉送多一客「布丁燒」,睇個樣有少少眼熟,師傅好老實話唔喺自家製,無錯,就喺對面街「小確幸」嘅出品喇,佢哋嘅布丁燒頗有口碑,當然,店家都加多少少「二次創作」,加點雜莓,唧上自家製朱古力漿,整靚個賣相。個布丁燒非常好食,上層原味布丁做咗輕輕嘅焦糖,而口感軟滑富蛋香,底層嘅芝士蛋糕綿密富芝士香。
四葉草芝士蛋糕布丁燒
5 瀏覽
0 讚好
0 留言
四葉草芝士蛋糕布丁燒
14 瀏覽
0 讚好
0 留言
今餐「廚師發辦」唔止品嚐到多款美食,亦有唔少驚喜,又學咗唔少嘢,非常滿足,真喺好有食「廚師發辦」嘅體驗。當然,小弟唔喺咩食家,對好多食材、烹調方法嘅認識都好有限,所以,每一次「廚師發辦」嘅體驗,都喺一次好好嘅學習機會。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$1300 (午餐)
慶祝紀念
聖誕節
推介美食
季節前菜
針魚刺身
細池魚刺身
燒帆立貝刺身
薯仔饅頭
石垣鯛壽司
深海池魚壽司
左口魚壽司
赤陸壽司
鰤魚腩壽司
喜之次壽司
中拖羅壽司
海膽白蝦壽司
箱押鯖魚壽司
富山杮