一浩 (已結業)

3月14日白色情人節，我地選擇黎哩間甘浪漫既日本餐廳。地方真係好大！有壽司吧枱、酒吧吧枱、2圍枱甘大既VIP房，出面仲有室外坐位，可以對住個靚海境，邊食邊欣賞！我地叫左個廚師發板，將會令人期待同驚喜既菜式，首先第一道係白子，經侍應講解係北海道一種特有的魚-鱈魚，而白子係距既精子，我地都係第一次食，都驚會好腥，但食落口好滑一d都唔腥，仲好鮮味！唔錯！第二道來個拖羅、深海池魚、赤貝刺身，不得不讚既係距既拖羅好肥美，油脂分佈好均勻，魚油充滿口腔，好滿足！估唔到刺身之後來一個蟹肉黑菌湯。以為食意大利菜先會有既，連一浩都可以品嘗到，而且都不輸蝕於西餐廳，蟹肉又多，菇味香濃，哩個配搭一流，真係好好飲！前菜之後有我喜歡既炸活竹蝦同大啡菇，配上岩鹽帶出食物既鮮味，真係好好既配搭主菜有鐵板聖子，龍蝦，澳洲M8 和牛，仲有我至愛既鵝肝！聖子好飽滿，龍蝦好彈牙，和牛一d都唔韌，鎖住肉汁，鵝肝好厚肉，外脆內軟，好香，全部都好好味！食到哩到已經好飽，廚師仲用埋個龍蝦頭煲粥，粥好棉好滑，真係好滿足既一個白色情人節！