影片
更多
2017-11-25
57 瀏覽
間唔中都要豪一次嘅！呢間餐廳係朋友介紹，佢話之前黎食過，覺得廚師整嘅嘢好有心思，同埋好好味，所以趁住我話要慶祝周年嘅時候，就叫我來呢度啦！我早一個星期到就book定位！黎到之後職員好熱心咁照顧我地，比熱毛巾我哋抹手，一啲都唔似其他食評咁樣話職員好冇禮貌，相反我覺得佢哋都好有禮貌。之後就俾咗日本餐牌我哋揀，呢度有啲set或者散叫嘅食物，為咗免卻麻煩，我哋兩個就叫咗兩個唔同嘅set，一次過試晒好多樣嘢！坐吧枱的位置可以見到師傅將食材好整齊咁擺左係雪櫃入邊，整每一件壽司我都可以睇到。首先，呢個係sushi Toyo special set ，好精美，好吸引!有三杯海鮮丼、黑鮪壽司等。烏魚子海膽蝦丸呢個係用蝦肉同魚肉手打而成，所以好彈牙，好有咬口。本身望落去都似冇乜特別，咬落去嘅時候你就會發現有啲意想不到嘅事情發生!就係入邊原來係海膽樓!咬嘅時候SD海膽標出來!海膽好香、好甜，成個好特別，之前都未食過呢個配搭好好味。蝦剌身好肥美、清甜。大拖羅好肥美，脂肪分佈等好靚!食落去好好似入口即溶嘅感覺，好正!中拖嘅肉質你帶拖實少少，因為脂肪夠少咗，但係食落去就會冇咁多油脂感，都好正!赤身嘅色紅D，啲脂肪
黎到之後職員好熱心咁照顧我地，比熱毛巾我哋抹手，一啲都唔似其他食評咁樣話職員好冇禮貌，相反我覺得佢哋都好有禮貌。之後就俾咗日本餐牌我哋揀，呢度有啲set或者散叫嘅食物，為咗免卻麻煩，我哋兩個就叫咗兩個唔同嘅set，一次過試晒好多樣嘢！
坐吧枱的位置可以見到師傅將食材好整齊咁擺左係雪櫃入邊，整每一件壽司我都可以睇到。
首先，呢個係sushi Toyo special set ，好精美，好吸引!有三杯海鮮丼、黑鮪壽司等。
烏魚子海膽蝦丸呢個係用蝦肉同魚肉手打而成，所以好彈牙，好有咬口。
本身望落去都似冇乜特別，咬落去嘅時候你就會發現有啲意想不到嘅事情發生!就係入邊原來係海膽樓!咬嘅時候SD海膽標出來!海膽好香、好甜，成個好特別，之前都未食過呢個配搭好好味。
蝦剌身
好肥美、清甜。
大拖羅
好肥美，脂肪分佈等好靚!食落去好好似入口即溶嘅感覺，好正!
中拖嘅肉質你帶拖實少少，因為脂肪夠少咗，但係食落去就會冇咁多油脂感，都好正!
赤身嘅色紅D，啲脂肪亦都係最小嘅，雖然係赤身，但食落去都係好鮮甜。
一次過試晒三樣!正!
海鮮丼
魚子大粒、鮮甜!
拖羅蓉，一D都唔腥! 好香!
馬糞海膽海膽好多，好甜，食過最好食GE海膽!極品!
蜆肉面豉湯
啲人肉好大隻準卜卜好肥美個湯唔知靈芝飲開嘅面試湯咁行佢好清甜入邊除咗有錢之外仲有集菌同埋豆腐所以成個湯好清甜一啲都唔馬虎。
甜品
蜜瓜好甜，肉質好淋，無渣，超正!
紅豆金薄綠茶奶凍，紅豆好淋、好沙，奶凍好滑!
OMAKASE COURSE
有前菜、十款壽司、手卷、湯同甜品
左口魚
望落去好白滑，食落肉質較韌、爽口，面頭有啲酸酸地既凍啫哩狀醬汁，酸酸地作為第一件壽司好開胃!
赤貝
好大塊，超爽口，一咬就開，無腥味。
鰤魚
鰤魚都係第一次聽，原來佢係日本人婚嫁過大禮嘅時用，每年淨係冬天先至會出現。富山嘅最為出名，係當地人最鍾意食嘅漁產之一。鰤魚比日本人稱為出世魚，有出人頭地嘅意思。食落啲肉好肥美，鮮甜，唔韌。
竹節蝦
竹節蝦比起其他既蝦顏色較鮮明，望落去真係一節節甘。打開入面原來係白松露，好香！夾住佢黎食真係一大享受！
深海池魚
呢個深海池魚的肉質細緻，爽口。
呢件深海池魚比一般池魚鮮甜，肉質爽同埋肥美！
剝皮魚
真係第一次聽！個樣有啲似花枝壽司，因為佢用剝皮魚既肝整成醬再撈埋，味道較濃，幾特別。
秋刀魚
秋刀魚刺身真係第一次食，原來秋冬食秋刀魚係當造，最肥美！熟食既秋刀魚都會有陣腥味，但反而刺身就無！肉質都幾淋！
北海道馬糞海膽
之前食過臭臭地既馬糞海膽，所以對呢樣嘢印象麻麻。但呢次完全改觀！海膽色水靚，橙橙地，好清甜，好鮮味！
喜芝次
面頭有D生薑，好多人都係會用燒烤或者炸熟佢黎食，而呢個灸燒刺身，食落肉質好細緻，有豐富嘅油脂，啖啖肉，好正！
拖羅
油脂必晒出黎！好鮮甜肥美！
魚腩蓉手卷
唔好以為佢淨係面頭先有魚腩蓉,而係成條都有! 材料好足!
魚腩蓉好鮮甜，沾少少醬油食更能帶出個味道!
玉子
無論外型同味道都好似芝士蛋糕！師傅話係手工食品，佢無用粉，剩係用蛋加蝦打成，唔係好多舖頭有做。
覺得好特別，好好食，好鬆化，又有芝士味，直情可以當甜品甘食！
立魚湯、蜆湯
好濃既魚湯，仲有兩大舊魚肉，好嫩滑。
甜品
芝麻雪糕好濃滑、好香!
我覺得呢間餐廳嘅師傅唔止淨係整食物出嚟俾客人食，而係製作藝術品！每一樣食物都整得好細緻，有唔同既野去點綴，好靚！完全見到師傅做每一件壽司都好有心思同要求！食物好有水準、好新鮮，有別於一般日式餐廳!
鮨豊係一間好有心思嘅一間餐廳。值得!超滿足!
張貼
