三星台菜食堂 (已結業)

台北大吃大喝玩樂既日子好快又完結左，返到黎偶爾都仲回味緊精彩既地道美食。週日過海去港島區Window Shopping 順便上網搜尋下醫肚既好選擇，無意之中搵到係廈門街既三星台菜食堂。逗留台灣6天只係順道惠顧過永康既紅燒牛肉麵，今晚可以補數再歎台式牛肉麵。魯肉青菜小食，油亮誘人既香菇魯肉粒，拌著一口燙菜，溫熱既濃香肉汁及少許肥肉融和散發在口腔中，著實令人開胃招牌野花雕三星麵一碗當中就包含了牛腱、牛筋及牛肚配菜。今晚既麵底就選擇左冬粉，晶瑩既幼條粉絲浸泡在深楬色帶花雕酒香既牛骨濃湯裡，甘濃味道隨熱氣鑽進鼻子。先來一啖熱湯細味箇中既精華，不偏不重既酒香夾雜與牛骨散發既厚實餘韻，喝後既沒有口乾之嫌。湯頭不留片面油光，再配合酸菜蔥粒為湯頭添味認真無得彈牛腱有層次感兼腍軟入味，輕力端起一幅時湯汁從內層裂縫浸透出來，感覺有彈性而不韌，入口依然軟滑如慢煮般效果牛肚層次感足細看組織幼嫩且色澤鮮明，爽彈非常，吸汁能力挺強 同場有太太喜愛既花雕鴨舌，酒香度比湯粉效果更深鬱突出，鴨舌肌爽脆回彈，經處理過既鴨舌食用感更有所提升，一碟份量也不少