無敵家

營業中

休息中

上網搵食，見到呢間無敵家，令我諗起係日本食拉麵，雖然兩間舖頭沒有關聯，因為名子吸引左我黎試下。好，坐低睇下有咩好食先。燒日本生蠔，生蠔大隻有肉地，有咸咸嘅海水味同蠔汁，唔錯！蕎麥冷麵，冷麵質地夠咬勁，天氣熱辣辣，食個冷麵都幾舒爽。黑松露三文魚炒飯，個飯真心炒得唔錯，每粒飯都炒到乾身再被油包裹住，飯粒夠香唔會dry。芝士流心蛋大啡菇，外面係黃金芝士，切落去有蛋漿流岀來，大啡菇有菇汁。芝士年糕軟綿綿。燒秋葵焦香味。另外叫多三串串燒，大蔥雞肉，豚肉荔枝卷，雞軟骨，我就最喜歡豚肉荔枝卷，有油脂既豚肉包住清甜荔枝，一咬落去荔枝汁爆岀黎，完全中和豚肉油膩感。