麵包秀 (創興廣場) (已結業)

某日心血來潮，上網揾下香港有咩「台式麵包店」。睇到新假期有詳細介紹「麵包秀」，畀「試食麵包放題」吸引咗，諗住有機會就試下。早幾日出旺角，終於可以一試究竟。「試食麵包放題」放在門口當眼處，大概有10款8款，見有幾個顧客圍住，梗喺要試下。可能因為有太多款式可以試，企咗喺試食位置太耐，店員由一開始「歡迎光臨，隨便試食」，到後來漸漸木無表情、黑口黑面、眼睥睥老老實實，呢間麵包舖都唔平，有啲甚至賣到50蚊個，試真啲先買都好合理，如果唔想畀人試，就唔好懶大方話可以「試食麵包」抱住期待心態來，帶住壞印象離開