Ocio (東港城) (已結業)

今晚兩公婆去左ocio 食晚飯環境好乾淨好清新 幾有文清feel我地叫左一個晚餐set炭燒美國保濕豬鞍伴蘋果蓉燒汁 隻豬睇得出煮得好嫰 帶粉紅色不過老公覺得豬再熟d好 所以我地都拜托廚房再煮到無粉紅色 店員亦好好 好客氣即刻幫我地處理豬鞍再黎時仍然好juicy 口感好好亦充滿肉汁 係好食既豬鞍黎😋配埋個蘋果醬 好夾好好味❤️餐飲我地叫左杯朱古力 真係誠意之作 外觀好靚又足料好味另外我地加左個小食 奧斯芝士薯條 估唔到個份量咁多😂最後我地再叫左個甜品鑊仔伯爵茶雪山熱香餅我初頭諗住會係梳乎里咁但其實佢係似好柔軟既海棉蛋糕 雖然唔係預期既野但配埋Earl grey 醬同埋雪糕食都係好味既最重要係覺得餐廳既店員真係好好當晚我因為唔太舒服成日想飲水怕麻煩到人就想自己斟店員見到請我返回坐位表示會協助我最後佢成樽水拎左過黎比我慢慢飲 真係好感動店員咁貼心既餐廳而家真係好少服務好真係可以大大提升用餐體驗❤️希望佢地持續都會做得咁好啦👍🏻