炑八韓烤 (已結業)

同事今日last day，我地一行6人去炑八食farewell lunch, 去到店員好快就安排一張長枱比我地，店員仲推介牛肋骨煲比我地，我地好快點埋其他五款定食就等食囉首先有四款前菜(辣辣地kimchi，酸酸地海苔，爽口蘿蔔，韓式芽菜)，之後每人一碗清湯，等左10分鐘後其他主菜都開始陸續送上，果然店員無呃我地，佢推介既牛肋骨好入味好正，個汁夠香濃配飯一流，而烤五花肉流心蛋飯個配搭啱啱好，隻半熟蛋同生菜絲mix埋五花肉食無左油膩感，感覺變得健康左，再黎雞扒蛋包飯個賣相好吸睛，滑蛋同雞扒都唔錯，不過個炒飯底就有啲乾要扣分，至於最貴既韓牛雪濃湯既牛仔骨就肉質淋，但雪濃湯對我呢個濃味怪黎講就味道較淡，唔算太吸引，仲有兩款鐵板菜，LA骨牛油拌飯有飯蕉，但牛油過多令飯蕉味怪怪，而泡菜豬肉就不過不失，無特別太大驚喜。飲品方面除左有一般奶茶檸茶，仲有果味soda同好hit既detox water，size大大杯，朋友話detox water唔太夠果味有啲淡，而我既柚子檸檬soda就味道剛好又唔會過甜左邊兩款Detox water，右邊兩款果味soda