吉野家 (已結業)

以後都唔會食吉野家『真係超級無敵嬲』！！首先去左「中環德輔道中188號金龍中心地下1號舖」既吉野家，個陣先岩岩放工，7點真係岩岩7點佢話無哂火鍋，仲要全店無冷氣，唔緊要啦，咁咪行去信德中心個間，勁多差不多係全部抬都比人坐哂係到，好明顯唔係本地人，好明顯佢地等船（因為同一層就係坐船去澳門或中國）搬哂d櫈圍住咁坐，真係食野既人就無櫈，同職員講左係無用既，佢叫我地等下都終於有位，叫左個芝士竹輪窩 配牛肉（因為已經無哂雞肉）仲要依間係比中環個間貴$1，算啦，有位，有火窩，有得食我仲祈求什麼！！當我拎左盒牛肥到只有膏，一堆膏然後我要去求個職員幫我拎個火爐，真係求個牙姐！！佢仲好不滿，我唔幫佢拎起我自己個窩，令到佢放唔到個爐（即點火個個）但佢並唔係針對我，原來佢對個個都係咁😅而個幾位真係坐到我地食完都未走，仲坐緊，慢慢坐啦最佳員工最佳服務😅😅