好耐都冇返黎屯門同朋友玩
今日約左佢地睇變形金剛
買左6點50場, 個時間真係唔上唔落
見餓餓地更加冇理由等睇完先食野
呢間mos burger新開都未黎過
見個環境都幾乾淨就去食了
叫了個脆雞漢堡, 其實之前都係旺角同荃灣食過
最鐘意就係呢個
唔會太heavy但又好好味
拎起手唔知點解特別熱喎
d包都有少少脆, 之前都未試過係咁, 真係好新鮮整起喎
個雞都好脆, 咬落都仲有d汁
入面有好新鮮既生菜, 仲有d醒胃沙律醬
食落感覺真係好fresh, 話咁快比我鯨吞左
薯條粗粗的都好熱好脆, 點左茄汁又係好好味
呢度都staff執野都幾快手, 又有禮貌, 抵讚呀!!
