小肥羊 (已結業)

星期五夜晚十一點幾，去左旺角小肥羊打邊爐，諗住大食一餐，點知俾個侍應激到紮紮跳！d碗碟洗得唔乾淨不在話下，仲要食左個呃錢既龍'等'拼盆！個女侍應係咁sell個$108既龍'等'拼盆，又話好多菜，d龍'等'又靚，分開叫一定無咁抵。我個friend問佢會唔會好多菜但係每款菜得一棵，個侍應話一定唔會！一直對依類拼盆無咩好感，不過大家都話試下，唯有順應民意。等左成廿分鐘，個龍'等'拼盆終於出場。好似龍'等'既骨有三「細」舊，好似切剩既魚肉咁，其他就係普通既魚片！菜係有五款，每款都有三、四棵，又係亂咁擺埋一堆！分開叫三種菜再加碟脆肉鯇都唔使$108啦，簡直係被騙！唯一可取係個內蒙古肥牛同白蘿蔔。之前試過銅鑼灣同尖沙咀既小肥羊，覺得食物質素同服務態度都好好多，估唔到旺角依家差咁遠。