意八餐廳 (已結業)

今晚屋企唔煮飯，就決定落街食。因為晏晝食得太多，夜晚冇話好有胃口所以就決定咗叫個番茄拉麵食，諗住蕃茄味酸酸甜甜開胃啲，而且湯麵比較易入口。拉麵我就揀咗配吉列豬扒， 吉列豬扒好大塊，而且炸得好脆，肉質都算係腍，唔錯。而番茄拉麵嘅番茄湯都算濃味，都真係幾開胃。拉麵份量都幾多下，仲有白蘿蔔、半隻蛋、粟米、同埋紫菜，加埋一齊食都幾夾，呢個拉麵餐唔錯唔錯。