影片
更多
2005-09-13
19 瀏覽
23-8-2005 2000觀塘區除了兒時遊車河入大埔必經之地及見工時會去之外，平時都好少踏足，夜晚更加不在話下，今晚openrice的聚會就選擇在此舉行，如果搭紅van落西貢及柴灣等地，此處絕對不會陌生。當晚大家的分佈如下：大長檯佔去大部份食友；四人卡位勁少辣及走牛；另一張八人檯係大小通吃兼勁多辣；我當然幫襯勁多辣。人齊後，各樣菜式就開始陸陸續續奉上，各檯的先後次序及款式會有少少分別。第一道菜係炸臭豆腐，每碟只有五粒兼好細件，讓了各位女士先，然後再加大，臭味適中，炸得有少少過火，不過都係值得一試的；第二道是頂頂大名的蒜泥白肉，肉片切得好薄，清淡得來有比較濃烈的蒜蓉味，食法與譚仔記截然不同，用眼去欣賞我會選前者，味道後者會適合我多一些；第三道小食便是脆炸牛平巴，炸成牛肉乾的形狀及質感，有少少辣及卜卜脆，加上底走過油的菜碟，送油一流；緊著而來的炸地根甘甘地，味道冇乜，就係佢既特點，好似食緊冇味的豬肉條；辣度開始增加，夫妻肺片辣度適中，爽爽地，加埋中國芹菜，味道就可以稍為中和一些，在打緊食評時找一些肺片的命名，其實是牛心、牛肚、牛舌和牛肉，名稱是在30年代名叫郭朝華夫婦在成都市街頭販賣，這
觀塘區除了兒時遊車河入大埔必經之地及見工時會去之外，平時都好少踏足，夜晚更加不在話下，今晚openrice的聚會就選擇在此舉行，如果搭紅van落西貢及柴灣等地，此處絕對不會陌生。
當晚大家的分佈如下：大長檯佔去大部份食友；四人卡位勁少辣及走牛；另一張八人檯係大小通吃兼勁多辣；我當然幫襯勁多辣。人齊後，各樣菜式就開始陸陸續續奉上，各檯的先後次序及款式會有少少分別。
第一道菜係炸臭豆腐，每碟只有五粒兼好細件，讓了各位女士先，然後再加大，臭味適中，炸得有少少過火，不過都係值得一試的；第二道是頂頂大名的蒜泥白肉，肉片切得好薄，清淡得來有比較濃烈的蒜蓉味，食法與譚仔記截然不同，用眼去欣賞我會選前者，味道後者會適合我多一些；第三道小食便是脆炸牛平巴，炸成牛肉乾的形狀及質感，有少少辣及卜卜脆，加上底走過油的菜碟，送油一流；緊著而來的炸地根甘甘地，味道冇乜，就係佢既特點，好似食緊冇味的豬肉條；辣度開始增加，夫妻肺片辣度適中，爽爽地，加埋中國芹菜，味道就可以稍為中和一些，在打緊食評時找一些肺片的命名，其實是牛心、牛肚、牛舌和牛肉，名稱是在30年代名叫郭朝華夫婦在成都市街頭販賣，這個名也是他們命名，故事太長兼幾offtopic，留待自發性的尋找啦。
為主菜打頭陣便是唔辣的雲南米線，以雞肉為主，一來到冇耐我地已經將所以材料倒曬落湯，隔一陣便是米線，大家或者心急，的雞肉最後都係未熟；紅油抄手平時同同事飲茶都經常食，此處賣相的確幾嚇人，滿滿的雲飩浸在紅油中，但係食落去又不錯，唔辣兼有少少甜，比起一搬酒樓的高一班；另一道送酒佳品便是烤羊乳扇，燒得好脆、薄身兼有羊乳香味，確實叫得過，有得再黎一定會再叫；有主菜點少得湯呢，我地呢邊的湯係人參雞湯，雞應該係新鮮，唔算肥，個人來講對人參味有點不喜歡，但係未至於接受到不到，整體上不錯，飲一餐兩餐冇乜所為啦；
辣的程度開始加大，打頭陣便是干煸四季豆，係送酒佳品，經過炸的程序及加了少少辣，香味隨之而來；另一道便是麻辣豬耳，好爽，似食緊豬利，食落冇耐先開始麻；適中全晚至辣的菜式終於出場，雲南新鮮空運到港，炸既時候沒有除去內裡的籽，增加了麻辣的程度，係我自己的字典裡辣的程度是中等偏高少少，這味便是虎皮椒；另一度令人又愛又恨便是蒸臭豆腐，除了主角外，還加入了少少辣及豬肉碎，比起炸的還出色，自己也是第一次食蒸，真係好Deep Black；燜肉米線係冇湯既，幾香的花生味，唔辣；見到還有少少菜剩，以食得唔好浪費的精神，叫了一碗淨米線，跟住與其他菜式撈埋一齊食；最後一味主菜就係露荀炆豬肉，有少少臭豆腐及辣的感覺，我倒覺得幾得意及喜歡。
以為已經埋尾，還有真真正正的最後一道菜：羊乳餅，烤完後，還灑了少少胡椒粉，來突出羊酥味，這款還比羊乳扇出色得多。一整晚的聚會與酒一齊陪伴後就此完結，大家由頭到尾冇停的啤酒及菜式，差唔多幫了老闆清倉一晚咁多啦，埋單共90大元，經濟抵食。不經不覺，這個食評是我第200個，要再上的話，開始有一點困難兼遙不可及，但係返回“娘家”的日子似乎越來越近，套用張學友一舊老餅歌–這麼近、那麼遠，最適合不過。
張貼
