㷫烚烚 (已結業)

冬天特別鐘意食火鍋😋 一個價錢食晒雞煲，羊腩煲，火鍋，仲有海鮮盤都係任食，好抵呀😳餐廳位於家樂坊，非常容易搵，上到去見到餐廳地方寬闊坐得好舒服，我哋揀咗個雞煲，火鍋湯底叫咗椰子雞湯配任食和牛，朋友見到加$38已經可以食埋羊腩煲，又話要試，不過計落幾百蚊可以任食三個煲，真係好抵食。雞煲一上枱已經香噴噴，店員用火槍燒一燒，雞味出晒嚟，好味！海鮮盤已經蒸好，一上枱即食，特別推介鮑魚真係超鮮甜。羊腩煲份量好足，羊腩切到一啖一口，鍾意食羊嘅朋友點都要試吓，至於重點當然係任食和牛啦，椰子雞湯底超清甜，和牛見到質素好高，肥瘦剛剛好，牛肉味道濃郁，口感唔會好肥膩，食咗幾碟真係回晒本，連埋其他食物，有好多唔同丸類，小食，蔬菜，連甜品都有埋，慢慢食慢慢傾，真係非常滿足嘅一餐。