簡單廚房 (已結業)

今日約左朋友仔食lunch, 可能因為假期, 所有我都覺得周圍好多人..於是我直接約朋友去朗豪坊, 感覺算係旺角食肆中比較少人的地方...我個朋友仔去到foodcourt就問我食過簡單廚房未,我之前未試過, 所以朋友就決定去簡單廚房...入到去, 唔需要等位, 但waitress個態度就真係算麻麻, 無咩表情, 而且係hea帶位, 求其叫左我地坐路邊位...係後來郭少芸叫左我地坐去另一個位先覺得好d...不過我都係見到佢先知, 原來佢開簡單廚房的....朋友建議我可以揀佢地的飯, 話好好食的, 但我一向都唔係太食飯的人, 結果我揀左田螺意粉(事實上個名係長d, 包括醬汁的, 但sorry, 我唔記得左..)+凍檸茶, 而朋友仔就係南瓜牛肉窩飯+凍咖啡..我試過朋友仔個飯, 其實味道係唔錯的, 不過可能男士唔太慣南瓜味, 朋友仔覺得怪怪地..而我自己個田螺意粉, 表面佢個感覺好似好簡單, 賣相覺得無咩特別, 相反我個朋友仔的幾吸引....但食落, 我又覺得幾好味的...醬汁適中的, 唔會太多汁, 而令個意粉好湯, 但又唔太乾身...意粉唔會太稔, 口感幾好..而且都好香, 不過略嫌份量少