瀛喜日本料理 (已結業)

好耐無食過日式放題，之前就試旺區既放題試得多，今次知道附近都有放題食，咪去試下囉。先食熱盤先啦，一黎就整幾隻焗扇貝先，無錯全部都係我既。焗扇貝都足料，隻隻元貝都大過五蚊銀架，加埋芝士同香料調味，最後食左4隻呀。再黎係炸廣島蠔，係即叫即炸仲係熱辣辣辣咀既，一咬裡面既蠔汁噴晒出黎，陣蠔味流滿口腔，點埋沙律醬黎食又得。熟食享黎度仲有其他款，我有朋友係素食者都有選擇，包括碗素翅都幾足料，有竹生，蘿蔔同金菇，甚有碗仔翅風味。除此之外仲有粟米粒，粒粒分明而且好夠甜，小朋友都好岩食喎。