皇帝雞 (已結業)

去到西九龍中心頂樓個foodcourt，口痕痕想食韓式炸雞，最後揀左幾多人食嘅皇帝雞。 炸雞有3個size，細中大分別係$33$38$75(好似係)，有3種味道，有辣有唔辣。今次試左中size(好似最抵食)甜辣味，全部去晒骨份量都唔少，仲有幾條韓式年糕。味道方面，同之前喺韓國食過嘅炸雞比都有8成似! 甜辣就一啲都唔辣，甜甜地，如果可以辣返啲就好啦。雞有少少硬，食完成碗感覺有少少熱氣。年糕應該係醬油味，唔辣，可惜得3條食得有啲唔夠喉。 總括黎講價錢唔算貴過下口癮都唔錯啦！