最掂燒味 (已結業)

夜晚收工仲諗緊去邊度食飯，就去食下好耐無食過既燒味飯啦咁。燒味飯我不嬲鍾意雙拼，今次見老闆介紹話佢地燒鵝好食，就叫左燒鵝拼鼔油雞飯。先講份燒鵝啦，鵝皮夠薄又夠脆脆地，加上鵝皮與鵝肉中間有層薄薄既脂肪層，食落口係滑口既，點埋老闆話佢地自制既鵝醬，係鵝汁加酸梅醬，係幾入味既。至於鼔油雞雞皮薄薄地，少少鼔油味，仲有雞肉係滑既，點埋蔥油係絕配呀。燒味黎講呢度係幾正宗架，而肉質係有質素既。