Wingman (船街) (已結業)

今日去咗灣仔到happy hour， 咁飲完嘢有啲肚餓 咁就去咗隔離呢一間wingman食 少少嘢，一入到去其實裝修我覺得都幾有hong Kong style ，作為打卡點都ok嘅， 咁其實同朋友就唔係話太肚餓，但係就想食少少嘢，咁我哋就嗌咗以下:蒙古燒烤味: 呢個蒙古燒烤味其實有啲特別， 其實佢有啲似大陸蒙古烤串燒嗰種味 ，喺香港都可以食番呢啲味道出嚟，因為你都知好難先上到大陸去再品嚐燒烤味。 估唔到 仲可以喺呢間舖頭都品嚐。新加坡辣蟹味： 其實個新加坡辣蟹味我覺得 辣嘅程度係可以接收， 而且佢辣得上嚟都仲有一啲蒜香味道， 所以自己幾鍾意食呢一個新加坡辣蟹味道。 其實我覺得佢可以將辣嘅程度再調高，咁會惹味好多。墨西哥辣椒牛油果卷: 呢個牛油果卷我覺得有啲似我係歐洲食嗰陣嘅味道，我鍾意呢一個卷，就係佢擺咗好多雜菜喺入面，而且有一啲燒烤個嘅雞肉，所以如果想有少少菜同少少肉去balance下嘅朋友可以試下呢一個牛油果卷。最後如果大家行開灣仔嘅朋友，可以試下呢度啲雞翼， 因為佢都有不同種類嘅雞翼。