芭提雅泰國菜館 (已結業)

今日同老婆食午飯，在謝斐道附近行行下，見到呢度外觀幾新淨，價錢又唔貴，試試唔拘，就坐了入來。唔知同天陰陰有無關係，星期六下午得一檯客。未食過都係試午餐穩陣一點，午餐有四款選擇，包沙律或肉碎湯及飲品由36至48蚊，不收加一，唔算好貴。我們叫了咖哩牛腩同芭提雅炒飯，前菜都要了海蜇沙律。很奇怪，最早上檯的是咖哩牛腩，比沙律還早，可能因為煮定的關係。等左一輪沙律才到，估不到賣相都唔錯，海蜇絲加青瓜絲加紅蘿蔔絲，上面灑上芝麻，吃落幾辣，亦有酸味同芝麻的香味，如果有埋木瓜的甜味就一流。總括來說是個不錯的開胃菜，吃得辣都建議選這個；咖哩牛腩跟一碟飯，咖哩偏辣，少椰汁味而有淡淡的香味，好味！白飯份量略少，所以加了一個酥餅來點咖哩汁；牛腩盡是牛筋及坑腩的位置，免卻同韌牛腩搏鬥之麻煩，唔錯；連薯仔都炆得又腍又入味，結果是成兜咖哩牛腩照了鏡；芭提雅炒飯其實是蝦膏炒飯，這個份量又不少，飯炒得不油亦幾香，蝦仁都有不少，亦有水準。都估咖啡是即溶貨色，所以要了兩杯涷檸茶。埋單84蚊，唔算貴。食物有水準，會再來。