滿福樓

一間幾有氣派既中菜，不論店內環境、個景其實都唔差。可能因為提早訂枱，所以安排咗坐窗邊，窗外主要望住會展站同埋灣仔碼頭，幾靚。

今次食咗晚飯套餐，$998一位，每兩位會包一枝酒，連埋甜品總共食7道菜，最有驚喜係菜膽湯同埋個龍蝦。菜膽湯好有秋天嘅味道，而龍蝦佢用咗蝦膏去做個汁，好濃郁。不過主食既飯類就差少少，係珍珠雞，感覺一般。

1

以呢個位置同埋成個配套，食個慶祝飯，或者商務晚餐其實都唔錯，不過會建議單點，咁個份量會多啲。最後就係不得不讚吓佢哋嘅服務，真係幾好👍🏼