影片
更多
2010-10-20
38 瀏覽
當日與男友到黃金海岸住一晚酒店, 平日工作忙碌, 當然想relax一番啦~夜晚食飯我選擇左呢間有露天又食西餐既法國飯店 , 對住個海飲吓酒就最啱我呢d識嘆之人啦 當晚我點左個set dinner 海鮮拼盤 (蠔, 蝦, 螺) -- 生蠔好有鮮味又唔腥, 平時怕食生蠔既我都覺得好味道~ 蝦就麻麻喇, 未食已經覺得過份細隻, 咁大個女未食過咁細隻既蝦, 而且味道一般 螺大隻又彈牙, 好有咬口, gd香煎鵝肝 -- 表面脆但內裡入口溶化, 味道一流凱撒沙律 -- 個汁整得剛剛好, 酸味同橄欖油份量適中, 配埋新鮮既蔬菜加三文魚一流忌廉蜆湯 -- 第一啖飲落去已經覺得好鮮甜, 蜆肉唔腥彈牙, 湯唔會過"杰" 加上我偏好飲"稀" 身既湯, 好飲蜆肉天使麵 -- 呢個算係咁多個菜式最普通既...蕃茄汁過甜, 唔太啱我法國煎鴨腿 -- 鴨腿肉質嫩滑, 而且骨同肉已經煮到一切就散, 入口相當淋順帶一提, 每一道菜都有佢本身既配菜, 配菜好味,
夜晚食飯我選擇左呢間有露天又食西餐既法國飯店 , 對住個海飲吓酒就最啱我呢d識嘆之人啦
當晚我點左個set dinner
海鮮拼盤 (蠔, 蝦, 螺) -- 生蠔好有鮮味又唔腥, 平時怕食生蠔既我都覺得好味道~
蝦就麻麻喇, 未食已經覺得過份細隻, 咁大個女未食過咁細隻既蝦, 而且味道一般
螺大隻又彈牙, 好有咬口, gd
香煎鵝肝 -- 表面脆但內裡入口溶化, 味道一流
凱撒沙律 -- 個汁整得剛剛好, 酸味同橄欖油份量適中, 配埋新鮮既蔬菜加三文魚一流
忌廉蜆湯 -- 第一啖飲落去已經覺得好鮮甜, 蜆肉唔腥彈牙, 湯唔會過"杰" 加上我偏好飲"稀" 身既湯, 好飲
蜆肉天使麵 -- 呢個算係咁多個菜式最普通既...蕃茄汁過甜, 唔太啱我
法國煎鴨腿 -- 鴨腿肉質嫩滑, 而且骨同肉已經煮到一切就散, 入口相當淋
順帶一提, 每一道菜都有佢本身既配菜, 配菜好味, 我同男友都一一掃光,
感覺到佢連配菜都好有心機去煮, 絕對係一間好有誠意既餐廳, 有機會既話會再黎
食飯途中我點左1664既啤酒, 味道容易入口...
食完飯之後, 我地繼續傾計慢慢飲野,
絕對係一個可以坐吓食吓野又可以感受吓海風既好地方
PS: 如果餐枱布可以熨直d, 無哂d 摺痕會更加完美
張貼