影片
更多
2008-12-16
十月十七日, 終於有機會同班同事嚟《韓雅林》試吓,之前去《潮州邨》時見到 (喺對面舖), 已經想試啦!坐低諗咗好耐都唔知點落單好, 最後都係要叫個人埋嚟問吓,原來佢全個午市餐牌都叫得, 有石頭鍋飯有湯飯有炒年糕有湯麵,全部都會再跟前菜及一杯玉桂茶 / 紅棗茶 / 綠茶雪糕。先嚟前菜, 由於有五個人, 所以加埋有成十碟唔同款既前菜, 好豐富呀!!樣樣都幾 OK, 只係啲泡菜對我嚟講唔夠辣啫~我叫咗個有兩隻辣椒仔既「香辣牛肉湯」($65), 試咗一啖, 都唔係好辣啫~同事教我要將成碗飯倒晒落去食, 又真係唔錯喎, 啲牛肉都幾多幾腍,同埋唔怪得之佢唔整咁辣, 因為當湯飯食如果太辣會入唔到口。同事叫既「人參雞湯」($68), 成半隻雞喎, 份量都幾大, 我都試咗一啖, 味道都算唔錯, 只係唔多夠人參味, 不過已經算係咁。「牛肋骨紹菜湯」($65), 呢個唔辣既, 味道合格, 啲牛煮得好腍好易入口, 唔錯。「宮廷式炒年糕」($68), 呢個比起預期中好食好多呀! 啲年糕煙煙靱靱煮得啱啱好,不過佢有牛肉架, 叫咗呢碟菜既同事係唔食牛肉既, 嘥晒!甜品我叫咗最愛既綠茶雪糕, 賣相幾得, 但個人覺得綠
之前去《潮州邨》時見到 (喺對面舖), 已經想試啦!
坐低諗咗好耐都唔知點落單好, 最後都係要叫個人埋嚟問吓,
原來佢全個午市餐牌都叫得, 有石頭鍋飯有湯飯有炒年糕有湯麵,
全部都會再跟前菜及一杯玉桂茶 / 紅棗茶 / 綠茶雪糕。
先嚟前菜, 由於有五個人, 所以加埋有成十碟唔同款既前菜, 好豐富呀!!
樣樣都幾 OK, 只係啲泡菜對我嚟講唔夠辣啫~
我叫咗個有兩隻辣椒仔既「香辣牛肉湯」($65), 試咗一啖, 都唔係好辣啫~
同事教我要將成碗飯倒晒落去食, 又真係唔錯喎, 啲牛肉都幾多幾腍,
同埋唔怪得之佢唔整咁辣, 因為當湯飯食如果太辣會入唔到口。
同事叫既「人參雞湯」($68), 成半隻雞喎, 份量都幾大,
我都試咗一啖, 味道都算唔錯, 只係唔多夠人參味, 不過已經算係咁。
「牛肋骨紹菜湯」($65), 呢個唔辣既, 味道合格, 啲牛煮得好腍好易入口, 唔錯。
「宮廷式炒年糕」($68), 呢個比起預期中好食好多呀! 啲年糕煙煙靱靱煮得啱啱好,
不過佢有牛肉架, 叫咗呢碟菜既同事係唔食牛肉既, 嘥晒!
甜品我叫咗最愛既綠茶雪糕, 賣相幾得, 但個人覺得綠茶味唔夠濃郁。
同事既玉桂茶, 佢話麻麻哋喎。
仲有紅棗茶, 反而呢個好味啲, 仲少少杰杰哋添, 想要熱甜品既我會介紹呢個。
老實講, 加埋一呢度真係幾貴, 但啲食物質素確係唔差既,
同事們都話間唔中嚟幫襯吓都 OK 呢~
更詳細資料及圖片請看 : http://hk.myblog.yahoo.com/joycewai616/article?mid=11423
張貼
