閨•家 (美基樓) (已結業)

終於過咗人潮,入到去呢間名店食早餐我哋叫咗豬扒麵同埋沙爹牛肉麵，都係非常基本嘅茶餐，價錢中等質素相等沙爹牛肉麵好香唔會太鹹好好食，平時我會叫米粉，但今次都想試佢加錢日式公仔麵。但是我唔係好識食，唔知個分別係邊 haha，不過係好香麻油味嘅。另外個炒蛋好滑，值得一讚～豬扒就落略嫌薄身，但食落又唔會好乾，如果可以厚少少就滿足啲，整體就中規中矩啦。野飲方面我哋兩個都係叫奶茶，都係不錯。基本上環境就比較迫夾,唔會係好輕鬆咁樣嘆茶餐。中午時段見就比較多人，好多人喺門口等～唔知係等外賣定係堂食，總之就好多人😂 另外都有食過佢嘅藕餅飯，好好食但冇影到相哈哈，可能太肚餓～大家都可以試下！