一杯鐵板燒居酒屋 (已結業)

入到嚟呢度，同朋友一齊叫咗一個二人套餐；$680加一。餐廳環境都算幾靚。前菜係一份胡麻醬沙律，都幾清新。之後係一份帶子，在鐵板燒過的特別香，另外亦都加咗牛油汁，所以食落去嘅時候個味道都幾豐富。呢度嘅水果茶亦都好飲，食完油膩嘢嘅時候攞嚟消滯就一流。呢個餐亦都包左兩個麵豉湯，清甜。最重點係呢一個和牛粒，配上左法國嘅芥末醬，入口即溶，油脂重，係幾好食。最後就係一碗炒飯，用上了煙肉及各款蔬菜，食落去嘅味道亦都唔錯。總括而言，今次嘅體驗，我覺得呢間餐廳個環境同埋地理位置亦都算方便，$680一個二人餐，份量上每一個人嘅要求同埋期望或者都會唔一樣，希望呢一個食評會事先俾到大家一啲諗法。