S.A.E. (已結業)

朋友試過話唔錯，今日中午搭了幾個站丁丁過o黎食。是上樓日本私房菜，以為無咩人知，原來都唔少人，好彩都有訂位。有中午定食around 60至150蚊，而每款定食都幾乎有魚生、天婦羅、蒸蛋、麵鼓湯及甜品。我就唔要天婦羅，可以要沙律或加大魚生，當然要加大魚生啦!魚生幾厚都幾新鮮。我就食o左親子井，好多雞肉好大碗、不過味道咸o左少少，有個同事食碎魚生飯，又係好大碗好多魚生，仲有海膽tim，好正!而另外一個叫烤魚定生，就麻麻地，份量唔大。有綠茶、芝麻同荔枝任揀，我就試了荔枝味，應該係Haagen-Dazs。我o地5個人埋單都係350蚊，都幾抵食。