水瓶座咖啡店 (已結業)

水瓶座,係我朋友介紹比我的, 已經去過幾次, 可以說睇住佢由無人變旺, 食物由唔穩定變好味! 環境, 我就覺得好好, 起碼旺角難搵到同類o既! 食物, 我覺得大致好味, 一定好過一舨cafe, 睇佢地o既環境, 人手, 食物, 其實而家可以話似餐廳多d, 所以價錢貴d, 我接受! 而且佢地都無收加一. 我就睇有d懷疑下面一個叫路人甲o既食客, 我去過咁多次, d價我都知, 佢食d o野一定唔洗平均一百囉, 有d作o既成份, 同埋我同朋友去幾次, 都食過個海鮮面, 有好幾種海鮮喎, d o野飲更加唔至於難飲...我個人去o既原因, 亦唔係因為d o野食o野飲好好, 不過我覺得幾十元貨, 個環境ok, 食物幾好, ok啦已經! 如果真係要再食好d, 我就會去尖咀去中環去第二區啦...