龍麵館 (已結業)

黎到緊係要食龍蝦！首先叫個龍蝦拉麵，再叫左龍蝦伊麵比較一下，再加個龍蝦春卷，睇下佢點龍蝦法。 食貴野，就緊係要相機食先，不過環境好暗，影啲相全部都唔靚，就唔post喇…龍蝦拉麵：最期待佢個湯底，單飲都真係好濃好好味，我飲到見底；不過配麵就味淡少少，都正常既，好難兩全其美﹔龍蝦都ok, 不過比較起龍蝦伊麵既龍蝦，就稍微遜色，因為味道較淡，無乜龍蝦味。龍蝦伊麵：無左個湯，感覺無咁抵咁，不過佢個伊麵都好香口好味，個龍蝦又比湯麵個龍蝦香啲，蝦味又重啲！所以其實係好好味~龍蝦春卷：純粹一個春卷剪開，中間攝左舊龍蝦肉，但春卷太大舊，作為一個筷子功了得既香港人，都覺得用筷子係食唔到既，應該要畀刀叉我……一夾，就爛左，啲饀就跌出黎，一路食，一路跌，最後係皮同饀分開食……食完好膩。 裝飾方面，佢用左個竹簍裝住幾件春卷，下面加左張有通勝果隻舊式日曆紙，幾有趣。服務普通，可能環境太暗，服務員不太敏感，但收枱就好敏感，一食完兩碗麵就好匆忙收枱，仲收埋餐具，但其實我地仲有個點心未到……果晚全餐廳都係坐左一半，無人等位，做咩好似好急咁……茶價都唔平，想嘆多陣茶都唔係咁好意思咁雖然人人都話佢「裝修靚，富中國特色」，