灘萬日本料理 (九龍香格里拉) (九龍香格里拉大酒店)

營業中

休息中

坐低問侍應合拿menu，侍應問：你叫野啦咩？可以話集各家之大成，有同魚一丁相差無幾的品質，酒樓上菜的混亂（由頭到尾都搞唔清邊個食乜，我地十三個人入面其中有八個人上漏個主菜），大家樂的托盤（仲要係同一個盤由頭用到尾，我諗方便佢之後唔使抹枱卦），茶餐廳的態度，收費就Shangri-la，質素就（請自行填上某旺角通行四字成語）最後仲要錯單收多錢，話俾個侍應聽，一句歉意說話都冇，到改完單拿返黎，唔見個侍應出聲，惟有自己問張錯單void 左未，佢先揭去後面俾張單我睇，亦冇留返俾我做reference。最後十三人夾埋食左六千七蚊，仲要因為信用卡有折先平左少少。我地咁多人入面除左有一個食神會左嫌又嫌o既之外，其他十二個都係你俾屎我食我都唔出聲果d ，但今次食完出黎個個都由尖東站鬧到去天星碼頭，直情可以用公憤黎形容。補充多句，佢地set 枱都已經充分反映到佢地點對客，一頭一尾果兩個主席位上面正一正有筒形燈，除左非常之似電髮之外，食到主席位兩位仁兄由頭到尾都額頭滲汗。