Qui 意大利餐廳 (已結業)

又有人請食飯，呢個七月真係吃了很多好東西，今餐就來葵芳吃意大利菜。每次到葵芳食飯，總會走過新都會那邊，因此從不知道這意大利餐廳的存在。直至某日在湘川滬為食友慶祝生日，才發現這裡，也有點興趣。Tasting Menu只有頭盤和主菜，沒有甜品，就連飲品也不包，我最憎。不過為了吃黑毛豬，無可奈何下也要點這套餐。依例先來麵包籃，餐包不熱、不脆口，亦唔鬆軟，是近期吃過較差的地方；頭盤可以選沙律或餐湯，不喜歡喝湯的我，揀了沙律。有蕃茄粒、粟米粒和什菜，感覺尚算新鮮，可是黑醋放得太多，很酸很搶喉的，師傅做咩咁重手呀?!和牛尾意大利雲吞，聽落吸引，因此點了一客。Ravioli較稔身，皮毫無咬口，不算出色；所謂的和牛尾，像牛腩一樣，肉不嫩滑，又缺乏濃郁的味道，吃過便算。黑毛豬是店方極力推介的產品，二個人只限叫一客，睇佢又有幾巴閉。確實，肉是嫩口，不粗嚡，有點點酒香味，不過只是在醬汁裡面，滲不進肉內，只能說醬汁做得不錯。反而配角既薯角和蔬菜吸收了醬汁精髓，更好味。沒有甜品的晚餐，總覺是欠缺了一點點，並不滿足。快手埋單走過新都會繼續下場。