影片
更多
2019-05-28
42 瀏覽
近排旺角開咗好多間串燒店，唔係真係燒個種，而係類似麻辣燙個種，好耐之前係大陸食過，覺得超好食，咁啱出去行街就順便食～因為我地唔係lunch又唔係晚餐，時間好尷尬，放題又太飽，就嗌住30串加啲小食。兩人份量可以自選15款x2，招牌嘅肉類同蔬菜都有齊晒，食得辣嘅可以再加配香油碟/干碟。冷鍋30串/15款 $128用一大碗辣油浸住，望落好似好辣咁。一串一啖搞掂，食落又唔算太辣，食多幾串個未加工開始麻，但都唔使狂飲水住。特別鍾意大腸同魚皮餃，兩樣都有咬口～腐皮吸晒啲湯汁，好辣好正！五花肉同牛肉都好食，豬肉夠爽口，牛肉又夠滑。鍾水餃 $28蒜泥青瓜 $18另外兩款小食，同上面個辣汁味道有少少唔同，鍾水餃係類似魚皮餃咁嘅水餃仔，個汁帶點酸辣。而拍青瓜就有大量蒜蓉，唔會食黎食去都係同一隻辣味。輕鬆清晒！食到出晒汗，用咗勁多紙巾，唔怪得之叫爆汗串串🤣
近排旺角開咗好多間串燒店，唔係真係燒個種，而係類似麻辣燙個種，好耐之前係大陸食過，覺得超好食，咁啱出去行街就順便食～
因為我地唔係lunch又唔係晚餐，時間好尷尬，放題又太飽，就嗌住30串加啲小食。
兩人份量可以自選15款x2，招牌嘅肉類同蔬菜都有齊晒，食得辣嘅可以再加配香油碟/干碟。
冷鍋30串/15款 $128
用一大碗辣油浸住，望落好似好辣咁。
一串一啖搞掂，食落又唔算太辣，食多幾串個未加工開始麻，但都唔使狂飲水住。
特別鍾意大腸同魚皮餃，兩樣都有咬口～
腐皮吸晒啲湯汁，好辣好正！
五花肉同牛肉都好食，豬肉夠爽口，牛肉又夠滑。
鍾水餃 $28
蒜泥青瓜 $18
另外兩款小食，同上面個辣汁味道有少少唔同，鍾水餃係類似魚皮餃咁嘅水餃仔，個汁帶點酸辣。而拍青瓜就有大量蒜蓉，唔會食黎食去都係同一隻辣味。
輕鬆清晒！食到出晒汗，用咗勁多紙巾，唔怪得之叫爆汗串串🤣
張貼
