下江南

營業中

休息中

今晚去左西九龍故宮博物館內嘅中菜餐廳 下江南 食晚飯。餐廳環境幽靜，一排落地玻璃窗望出係一片香港嘅景色，入夜更有氣氛。平日晚上人流不算多，坐得非常舍意。我同叫左一個套餐，再加左甜品同飲品。套餐主菜 菜肉大雲吞 配 兩款小食 四喜烤夫，鹽水鴨菜肉大雲吞 係韮菜豬肉餡。皮薄餡靚，肉餡溝得剛好，唔會太碎，保持到咬口，充滿肉汁！配菜質素幾高 四喜烤夫好食，有雲耳，菇，荀尖等配菜，烤夫煮得夠腍，好入味，甜甜地。鹽水鴨都唔錯，肉質結實，有鹹香鴨肉味。碗豆黃，黃豆製甜品。食落係粉粉地嘅口感，但做得幼滑，而且黃豆味香濃。甜度剛好，推薦~飲品叫左杯 凍龍井，原來配上桂花蜜，飲落冰凍，淡淡清香。餐廳坐得舒服，服務不錯，去完附近展覽不仿一試。