阿元來了 (已搬遷) 新店位置

本著一個好大好奇來試食台灣地道餐廳，試過九龍某店就再來港島區試試。一來到見有大約二十人在等都繼續等，結果等咗大約廿五分鐘就入座，點咗喺台灣近乎每次去都必食嘅魯肉飯、蚵仔煎、肉羹飯、鹽酥雞等等，仲有去龍緣必點嘅四神湯，不出兩分鐘通通上菜，好快，因為限時進餐三十分鐘，唔上得快你又點可以啃得快？無錯，係啃。重點食物來個簡短評語，魯肉飯魯肉似金華火腿硬過食臘肉，肉羹飯飯少羹多一舊舊杰過鼻涕，鹽酥雞肉實而無味，蚵仔煎似薄脆而且蠔濕腥臭，同行一樣通通無辦法食完，總之貼錢買難受，中哂伏，難怪仲會有咁多人排隊食，伏一次就夠。